الجمعة، 14 يوليو 2017

ودع الايام يا قلبى - بقلم محمد البلاط


ودع الأيام وجرحك . طببه وانسى الليالى
اتخدعت وكان فرحك . وهم ساكن فى خيالى
واشرب الصبر فى كاسات . وادمنه لو حتى غالى
واعتبر الماضى مات . كل شىء فى الدنيا فانى
بعد جرحك يوم فرحك . بعد غدره بيك وهجرك
لو بكى علشان يصالحك افتكر جرحك ودمعك
انسى يوم انك تسامحه انسى شكله وملامحه
وافتكر اذاى عاملك اللى كان فرحك بفرحه
وافتكر قسوة قلوبهم . اللى باعوا حبايبهم
رغم انك كنت شارى . باعوا وظهرة عيوبهم
نسيوا سهر الليالى . نسيوا عمرك اللى فات
باعو بالرخيص غالى اعتبر الماضى مات
ودع الأيام وجرحك . طببه وانسى الليالى
اتخدعت وكان فرحك . وهم ساكن فى خيالى
يظهر ان الحب بدعه . والهيام والشوق خدعه
اخترعها ابو قلب خالى واللى نابك منه دمعه
ودع الأيام يا قلبى وانسى احلام الليالى
وافتكر قسوة قلوبهم . باعو بالرخيص غالى
واشرب الصبر فى كاسات . وادمنه لو حتى غالى
واعتبر الماضى مات كل شىء فى الدنيا فانى
ودع الايام يا قلبى بالرخيص باعوا اللى غالى
ودع الأيام وجرحك . طببه وانسى الليالى
بقلم محمد البلاط

الخميس، 13 يوليو 2017

اللى منك عض ايدك - بقلم محمد البلاط

اللى منك عض ايدك والغريب شالك فى عينه
كان بيدعى الله يذيدك ولخيرك كان يصونه
كان شاريكى وبيداديكى
يحزن لدمعه فى عنيكى
واللى منك قل اصله قسمك وباع فيكى
وميت يمين حالف بأنه بعنيه وقلبه مراعيكى
كان فتحلك مت تكيه لسه فاكره السعوديه
داين الغرب بخيرك وحنيهم بالعطيه
واللى منك شحتك قل قيمتك مرمطك
هان كرامة الرعيه فى الديون قام غرقك
واللى مستنى المزاد فى الكلام ذود وعاد
غنالك الحب غنوه بالكلام كان الجهاد
قششك وخد فلوسك كل يوم بيقوم يبوسك
طول ما طعم المر سكر وفى المرار سهل يدوسك
كله ليه جنسيه تانيه سهل يهرب لو فى ثانيه
لو مياه النيل تعكر او تجيكى اى راميه
اللى منك عض ايدك والغريب شالك فى عينه
كان بيدعى الله يذيدك ولخيرك كان يصونه
الله يبعتلك هدية يحفظ الخير ويصونه
اللى منك عض ايدك والغريب شالك فى عينه
بقلم محمد البلاط

الاثنين، 10 يوليو 2017

بحن ليك يا شجر بحن ليك يا نيل - بقلم محمد البلاط

بحن ليك يا شجر
بحن ليك يا نيل
وان كان قدرنا فجر
وطلع المواويل
مجروحه تشكى بألم
ندمانه ندم وكبير
تندب وطن اتعدم
بعد ما كان اسطير
ضاع الوطن وضاعت نفسى
يمكن غرور او كان يأسى
علشان مناصب وكرسى
ضاع الوطن وبقينا فى بير
بنلف وندور غلى الفاضى
ومفيش جدار سالك راضى
يحن لينا ويرحمنا
وياخد قدامنا على الماضى
وبقينا على الشط التانى
فيه اللى ظالم وانانى
وتلف عينى وتلقانى
بدور انا على اوطانى
بحن ليك يا شجر
بحن ليك يا نيل
وان كان قدرنا فجر
وطلع المواويل
مجروحه تشكى بألم
ندمانه ندم وكبير
تندب وطن اتعدم
بعد ما كان اسطير
بقلم محمد البلاط

مين الشهيد ومين القاتل - بقلم محمد البلاط

مين الشهيد ومين القاتل ومين عشان وطنه مناضل
توهنا وتاهت ايامنا والباقى هم كثير فاضل
يا رب هون وارحمنا خلينا نعدل فى كلامنا
انت الاله واحدك عادل سبتنا على على اسلامنا
تعلم بعلمك علم الغيب مين اللى خلى حبيب وحبيب
علشان غريب تتقاتل هون يا رب بعدلك صيب
لينا كل يوم احباب بتموت اللى برصاص واللى بنبوت
عفريت وقاعد يتفرج بليتشو ولبس زعبوط
اصل الشيطان فعلا شاطر عمره بمكره ما بيخاطر
يعشمك انك انسان واعمل لعدوك خاطر
اقتل ابوك واخوك وامك واوعى من الحزن يهمك
هتبقى فعلا واد شاطر ولو صادف اقتل عمك
الدم بحره بقى ساير جبن وخوف وبنساير
وللعدو حوليه بنطوف وبدون كسوف بنتساير
ومن هنا فيه الف شهيد وكل يوم عن يوم بتزيد
مين الشهيد ومين القاتل ومين عشان وطنه مناضل
توهنا وتاهت ايامنا والباقى هم كثير فاضل
بقلم محمد البلاط

مين اللى قال انك حبيبى - بقلم محمد االبلاط

مين اللى قال انك حبيبى مين اللى غير فى الكلام
ده انت اكثر يا حبيبى ده انت عمرى واللى كان
انت حته حته منى انت وريدى ودمى
انت نبض جوه قلبى تسعده شوفتك يغنى
انت كلى كلى كلى ومش كفاية حته منى
مين اللى قال انك وانى فى الهوى بس حبايب
مين اللى قال حبك شغلنى وفى هواك القلب دايب
نسيو انك حته منى واللى يفصل بينا عايب
مين اللى قال انك حبيبى مين اللى غير فى الكلام
ده انت اكثر يا حبيبى ده انت عمرى واللى كان
ده انت دنيا دنيا تانيا عيشاها بكل ثانيه
فى الدموع فرح وسعاده والدلع منك ذياده
بلقى بلسم فى كلامك وصدرك الحنون وساده
عمرى ما اقدر لخصامك لو هعيشها معاك ساده
هى عاده هى عاده وفى السعاده بلقى نفسى
جوه محراب للعباده لما تنطق بس اسمى
بلقى كيانى ونفسى وشعور يأحترامى
يهزم الصمت ويأسى لو تكون فى لحظه جانى
واللى جانى جانى جانى غير المعنى فى كلامى
مش عارف ايه معنى حبى مش عارف معنى هيامى
مين اللى قال انك حبيبى مين اللى غير فى الكلام
ده انت اكثر يا حبيبى ده انت عمرى واللى كان
بقلم محمد البلاط

الأحد، 9 يوليو 2017

سجل بأيدك يا زمن - بقلم محمد البلاط

سجل بأيدك يا زمن تسجيل كلابك فيه ضلال
بيخونو اللى يأتمن وبيرفعوا شأن الحمار
ويضلو ابن السبيل ويقولو على الليل نهار
سجل بأيدك يا زمن تسجيل كلابك فيه ضلال
بعنينا شوفنا اللى اتعمل وقلولنا دول حبة غبار
زرعين بأيدنا الجبل وقلولنا على الكوسه خيار
سجل واحكى اللى اتعمل واوعى تدارى اى عار
يمكن يكون درس وامل يغيروه ولادنا الصغار
ويعرفو من اللى باع ومين فيها اللى الضياع
ومين لجل الوطن مات واتسجن وعاش صراع
سجل بأيدك يا زمن تسجيل كلابك فيه ضلال
بيخونو اللى يأتمن وبيرفعوا شأن الحمار

بقلم محمد البلاط

السبت، 8 يوليو 2017

نزيف شبابك يا وطن الجهل كان فيه السبب - بقلم محمد البلاط

نزيف شبابك يا وطن الجهل كان فيه السبب
جدار ومايل واتركن تعبان عليه من التعب
فكرينو هيكون السكن اتريه بركان من غضب
حارب وبيحارب فى دين بيلوم يوماتى المسلمين
حالف يهد اللى اتبنى وبيساعده ناس مش طيبين
اعلام وفاسد واتعرف والكل منه بيتقرف
محفوف بحبت راقصين ولا عدش باقى ليه شرف
كتاب بتكتب بالقالم وما يعرفوش معنى الألم
لو مات ضناهم واتعدم او حتى خدلو طلقتين
قضاه بتنطق الكلام خالى من العدل تمام
بينهم وبين الله خصام نصبوا الحبال للى اتعدم
وناس بتفرح فى الخراب والعقل منهم راح وغاب
بتغنى على تل الغراب الفرقه افضل يا وطن
نزيف شبابك يا وطن الجهل كان فيه السبب
جدار ومايل واتركن تعبان عليه من التعب
فكرينو هيكون السكن اتريه بركان من غضب
بقلم محمد البلاط

 هل يمكن ان نتعلم درس من ردة انفعال الصهاينة حين يجدون انفسهم سيلقون الرد على افعالم بنفس فعلهم https://twitter.com/i/status/161937306556527...