الله يرحمك يا جنيه يا عامل من الحمار البيه وجاعل لاصالة حقارة بريال تدوس عليه الله يرحمك يا جنيه الله يرحمك يا جنيه

من غير ما يودعنى وجعنى - بقلم محمد البلاط

 - من غير ما يودعنى وجعنى

من غير ما يودعنى وجعنى وخد ايامى وعمرى معاه

ومفكرش انه يسمعنى ومقليش ايه سر اساه

- من غير ما يودعنى وجعنى

فاكر الهجر وبعده فيه راحة او راح بعطى لنفسة مساحة

فيها يفكر ليه متعكر ولا يدارى العين فضاحة

ان كان عشق وصاب القلب ولا وقع فى بحر الحب

انا مش هقبل تانى الكذب لو فى الكذب تكون الراحة

وهرضى بالمقسوم واتراضى ما هى فى زمنا صبحت عادة

ما بيرضاش ومبيشبعش اللى بيده ملك الحاجة

وان كان منى وانا ولونى شيلاه فى قلب العين والنن

بس يقولى ليه ظلمنى من غير ما يودعنى وجعنى

ومفكرش انه يسمعنى ومقليش ايه سر اساه

من غير ما يودعنى وجعنى وخد ايامى وعمرى معاه

- بقلم محمد البلاط

أعجبني

تعليق

شغلوك ونسوك وقالوا عنك - بقلم محمد البلاط

 - شغلوك ونسوك وقالوا عنك

شغلوك ونسوك وقالوا عنك انك نساى ومفيش عندك

لا حنين ولا لين ولا بيهمك ولا للمسكين مديت يدك

ظلموك بظنونهم وكلامهم وانتا المظلوم واسيت منهم

يا تعيش مربوط فى حبالهم يا ينوبك منهم ولسانهم وهم ومخلوط باضغاث احلام

شغلوك ونسوك وقالوا عنك انك نساى ومفيش عندك

اااااه يا قلبى بانتلك لبتهم من قول وكذب وحركاتهم

عشمان فى مكان ويكون امان ابعد وانساهم وسيريتهم

وكأن الماضى مكنش وكان شغلوك ونسوك وقالوا عنك

مش هتلقى الود زى زمان ولا تلقى الحب فى سكتهم وهم ومخلوط باضغاث احلام

ظلموك بظنونهم وكلامهم وانتا المظلوم واسيت منهم

يا تعيش مربوط فى حبالهم يا ينوبك منهم ولسانهم

شغلوك ونسوك وقالوا عنك انك نساى ومفيش عندك

لا حنين ولا لين ولا بيهمك ولا للمسكين مديت يدك وهم ومخلوط باضغاث احلام - بقلم محمد البلاط

مهما طال العمر بنا - بقلم محمد البلاط

 - مهما طال العمر بنا

مهما طال العمر بنا والخريف حمل علينا

من الربيع لينا زهرة هتراعينا وتواسينا

واوعى تنسى المعزة اللى باقية فى القلب ليك

ولو فى باقى ليا لسة من حياتى بس لحظة

هبقى جنك واداديك انتا حبى وانتا عمرى

وكنت دائما تحت امرى والنهاردة ليك يا عمرى

كل عمرى ملك ليك مهما طال العمر بنا

- بقلم محمد البلاط

مين على الشوق يقدر يتحمل - بقلم محمد البلاط

 - مين على الشوق يقدر يتحمل

مين على الشوق يقدر يتحمل وانا بتأمل منك نظرة

وبلاش حتى معيا تتكلم وحن علينا لو بالبسمة

هتحسسنا ان انتا حاسسنا زى ما حبك شاغل راسنا

هدى الخطوة وانتا معدى اللى فى ودى بس تسلم

كنت معانا ومعاك عشنا ولما كبرنا ليه بتدوسنا

ولا هواك رماك لبعيد واللى معاك نسيت ورميت

ياللى شاغلنا وشاغل راسنا مين على الشوق يقدر يتحمل

وانا بتأمل منك نظرة

- بقلم محمد البلاط

فاتنى وراح - بقلم محمد البلاط

- فاتنى وراح
فاتنى وراح وتركلى جراح اللى شغلى القلب وسبنى
فى بحر الفكر تايه سواح
بعد ما عشم قلبى بحبه وكلام حلو كثير بيه باح
فاتنى وراح وتركلى جراح
جرح قسية وجرح الغدر واللى عليا كان الصبر
قولت عساه يرجع ويجينى راح ونسانى وضاع العمر
فاتنى وراح وتركلى جراح فاتنى وراح فاتنى وراح
اللى شغلى القلب وسابنى فى بحر الفكر تايه سواح
فاتنى وراح فاتنى وراح
- بقلم محمد البلاط

 

وجع البعاد - بقلم محمد البلاط

 - وجع البعاد

وجع البعاد زاد بالعناد فى قلبنا مرجعش ليه وايه اللى فيه

وهان عليه ليه دمعنا

فى غيابه نار وكثير مرار بيحرق ويعصر قلبنا

يا حته منى من الكبد يا كل عمرى اللى اتوجد

ليه غبت عنى بدون سبب

كانت رسايلك لى مدد والمراسيل لو تتوجد

بتصبر قلبى وكانت برد وقطعتها ايه السبب

مش قادرة اقول قلبك جحد ولا قادرة اقول بعنا وبعد

انا عارفة يا ابنى انك سند وجدار عليه بنتسند

العين جفاها النوم والعقل دا مصدوم

والقلب كله هموم وقلقى عليك صومنى صوم

يا حته منى من الكبد يا كل عمرى اللى اتوجد

ليه غبت عنى بدون سبب

وجع البعاد زاد بالعناد فى قلبنا مرجعش ليه وايه اللى فيه

وهان عليه ليه دمعنا

- بقلم محمد البلاط

على قبرى تبقى تمر - بقلم محمد البلاط

 - على قبرى تبقى تمر

هتفتكرنى يا صحبى ولا هتنسانى

بعد ما فاتنى اللى ليا وبقيت وحدانى

هتعيش وفى ليا تفتكر العشرة

ولا اللى فى النية تطلع كمان قشرة

نسيونى فى حياتى ايه انتظر منهم

من بعد مماتى يكتر لهم خيرهم

اعمامى واخواتى واهلى وخلانى

وكأنى قاتلهم وكأن انا جانى

انتا الباقى ليا وصديق طفولة

عشناها بحلاها ومرارها واسها

معقول تنساها وتنسانى وياها

ولا هتحفظها وتبقى العشرة

يا صحبى وصية ووصيتى واجبة

لو صح فى النية باقيلى محبة

على قبرى تبقى تمر وتقراء الفاتحة

جايز يكون فيها سر و باب السما فتحة

وتطلبلى الرحمة والعفو من ربى

على قد حبك لى ومقدارك فى قلبى

هتفتكرنى يا صحبى ولا هتنسانى

بعد ما فاتنى اللى ليا وبقيت وحدانى

على قبرى تبقى تمر

- بقلم محمد البلاط

متلومنيش على اللى مليش - بقلم محمد البلاط

 متلومنيش على اللى مليش

ومتسألش ازاى راح اعيش

واسأل نفسك قبل ما تسلك

درب التوهة وتانى متجيش

انا حددت مصيرى بيدى

وعلى الاحزان راح ادوس واعدى

واللى باقيلك عندى وردى

تانى على الود متسألنيش

ضاع العمر باسم الحب

واللى جنيته عزاب للقلب

والاحلام الوردى فى ارضى

طلعت كذب فى كذب فى كذب

ودك كان عطف وحنية

ولا دا كان من حبك ليا

مرة تود ومرة بتنسى

ومرة تحن ومرة بتأسى

تركة الديرة فى بحر اسيرة

ورغم طريقى غريب وطويلة

ترسى مراكبى او ما رسيتشى

ومتحملش اعيش فى حيرة

ضاع العمر باسم الحب

واللى جنيته عزاب للقلب

والاحلام الوردى فى ارضى

طلعت كذب فى كذب فى كذب

متلومنيش على اللى مليش

ومتسألش ازاى راح اعيش

واسأل نفسك قبل ما تسلك

درب التوهة وتانى متجيش

بقلم محمد البلاط

يا ذكريات عمرنا والفتونة عدت - بقلم محمد البلاط

 يا ذكريات عمرنا والفتونة عدت

ما دمتش صحة لنا ومن غيرنا كمان عدت

والباقى بس لينا فى قماش نتكلفت

وفى التراب نندفن مين عننا يسدد

وصية من اللى الزمن قلب فيه وعلم

وعلى عمره اللى مضى حزنان وبيندم

لا تأمن للنتن ولا تصفى ولا تسلم

ولا البخيل تعرفه ولا معاه تتكلم

واللى بيحرم ضناه من خير عطاه الله

واللى غداه البطاطا ونومه تمام عشاه

ودور على الجار لو فى جدار لا تشاركه

معرفته فيها العار الله ما يباركه

وشارك الشبعان والواطى لا تشاركه

وصية من اللى الزمن قلب فيه وعلم

وعلى عمره اللى مضى حزنان وبيندم

- بقلم محمد البلاط

اتحملت كثير وداديت - بقلم محمد البلاط

 - اتحملت كثير وداديت

لو فى الدمع علاج وبلسم انا مش هبكى على اللى هجرنى

ولا هستنظر ولا هتعشم على هجره ربى يقدرنى

اتحملت كثير وداديت قولت عشان الحب نويت

يبقى الصبر علاج ودوايا واصبر على اللى معايا حويط

اسوة اسيت بدمع بكيت سهر الليل خد منى رقات

بتقلب على جمر النار ليل ونهار عايشة فى حكيات

لا مطمنى ولا كلمنى ولا عشمنى فى يوم ببيات

غصب عنى من اللى ظلمنى خانى البوح والكيل فياض

لو فى الدمع علاج وبلسم انا مش هبكى على اللى هجرنى

ولا هستنظر ولا هتعشم على هجره ربى يقدرنى

اتحملت كثير وداديت

- بقلم محمد البلاط

هاتى اللى مقسوم وباقى - بقلم محمد البلاط

 - هاتى اللى مقسوم وباقى

يا ذكريات عمرنا فيكى الم وجروح

والدمع سال مننا ومكتوم فينا النوح

لا شكينا من جرحنا ولا بالالم بنبوح

زادوا علينا همنا والغدر بقى مسموح

هاتى اللى مقسوم وباقى احنا القنا وانتى سواقى

يمكن يكون لينا يوم باقى من الحزن نرتاح زنريح

مقسوم يا دنيا ولا انتى ويانا ماشة بالعند

هتروقى ولا هتعندى بقيلنا ايام ونروح

لا جرح فينا تانى يعلم ولا من الم راح نتألم

ولا نشكى يوم ولا نتكلم ولا راح نقول استكفينا

هاتى اللى مقسوم وباقى احنا القنا وانتى سواقى

يمكن يكون لينا يوم باقى من الحزن نرتاح زنريح

هاتى اللى مقسوم وباقى

- بقلم محمد البلاط

ولو تسأل هتسأل مين - بقلم محمد البلاط

 - ولو تسأل هتسأل مين

بدون تدجيل ولا تلميح كلام مفهوم وقول صريح

وجاى يزك ويعرج وقادم يفرك وكسيح

حاضر ذل اللى حضرينه ومل منه خدامه

وجاى يعلمه الرزاق وناس للرزق سرقينه

وغلبان من همومه ما فاق ولا هيفوق وسجنينه

عايش فى الدنيا دى ومشتاق يحن عليه زمانه

بكام ومنين نجيب اللقمة تطعمنا

قليل الدين اكلنا فى بطنه ناهبنا

وكل يوم جاى بلون من اسود لسواد رايحين

ملك الكون فرض الصوم ثلاثين يوم فى اصل الدين

وجاى فرعون بيفرضه عام وبالسكين

مرار تشرب تشوف الذل وتبقى مطين بالطين

لفين رايحين متعرفش سنة سنتين متفهمش

ولو تسأل هتسأل مين وركابها بدون عنين

وقبطانها ما يعرفش وملحها طلع جحش

وكل يوم جاى بلون من اسود للسواد رايحين

لفين رايحين متعرفش سنة سنتين متفهمش

ولو تسأل هتسأل مين

- بقلم محمد البلاط

لعبت فى عداد عمرك - بقلم محمد البلاط

 - لعبت فى عداد عمرك

لعبت فى عداد عمرك وضيعت مفاتيحه

ببيع سبوبة مش ملكك وفهد نكشت فى جروحه

كان الفارس والحارس وحامى حماك بروحه

وكان السد الحاجز وردم فى حفرة كاتمهم

لعبت فى عداد عمرك وبقيلك تواجههم

نصيحتى لم هدومك وبدرى اخلع وسيبهم

لان الجاى مش ملكك ولا مأمونة حياتك

لعبت فى عداد عمرك وضيعت مفاتيحه

ببيع سبوبة مش ملكك وفهد نكشت فى جروحه

وصدقنى انا عارف بانك منهم خايف

وعلى الحبلين بتلعب فى بطنك الخرة ناشف

وفاكر انك بمكرك هتنجى منها بلعبك

وناسى يا فاهم بجهلك بان الكل بيتابعك

ومستنى معاد موعود وبيجهز ليك الانتوت

عليه هتفوت وحظك نهاية الامر راح تهلك

هتهرب او هتستنى لنهاية اللعبة وصلنا

ولعبت فى عداد عمرك وضيعت مفاتيحه

ببيع سبوبة مش ملكك وفهد نكشت فى جروحه

- بقلم محمد البلاط

سؤالى لحضرة الطبال - بقلم محمد البلاط

 - سؤالى لحضرة الطبال

سؤالى لحضرة الطبال والرقاصة بنت اخته
هتاخد منها ايه يا حمار وفىها كبرتوا و شيختوا
ولا زيدتوا ولا نفعتوا ولا التوبة دى جت على البال
لا بالبلدى ولا صعيدى ولا بمزمار هريدى
هيتعدل معاكوا الحال

وبالمقسوم اتراضى واحمد الله دى عبادة
لا بالدوم ولا بالتك ولا بالقا تجيب دربك
ولا الرول ولا الرعشة ولا الرقاصة العمشة
كبرتوا ومحتجين قمشة عشان فى الممشة تانى ما تزوك

مفيش ترقية للطبال غير القرشين
ونقطة ان جاد الاخيار وعشوة تمام
وقلة قيمة اتقلت وتتقن رفص وتشلت
ولو للباشا راح تسجد اخرها مكسبك مسمار

سؤالى لحضرة الطبال والرقاصة بنت اخته
هتاخد منها ايه يا حمار وفىها كبرتوا و شيختوا

- بقلم محمد البلاط

ااااه من نار الشوق ونارك -- بقلم محمد البلاط

 - ااااه من نار الشوق ونارك

ااااه من نار الشوق ونارك واللى يقرب من بركانك

قلبى داير بيلف عليك وانتا كامن وعزيز فى مكانك

وما فكرتش مرة ترد ولا بقبول ولا حتى بصد

وانا بالصبر معاك وبداد ى وفى الايام عمال بعد

بستنظر كلمة تريحنى وتطمنى يا تذبحنى

مش راح تفرق لو تجرحنى ما انا محروق بنار الشوق

وااااه من نار الشوق ونارك واللى يقرب من بركانك

قلبى داير بيلف عليك وانتا كامن وعزيز فى مكانك

- ااااه من نار الشوق ونارك

- بقلم محمد البلاط

المشاعر للى شاعر -- بقلم محمد البلاط

 المشاعر للى شاعر

واللى جواه احساس يقين

ولجرحه و الامه ما يفيد البنسلين

الاهات منه بتطلع نار بتوجع بالحروف ودمع عين

فيه اهات من حب غايب واهات ظلم حبايب

واهات اللى دايب فى حب مش طايله و حزين

واهات من ظلم ظالم ليل نهار عليه قائم

واهات مسجون فيى سجنه كتفو ايده ورجله

ونسوه ما حد فاكره حتى اكله عنه صايم

واهات من كرب غربة بين اهل قلوبها صالبة

قفلة بابها مش مورباه ويمكن الصخر لين

فى سطوره تلقى دمعه اللى سامعه وبيواسيه

مين هيلقى وليه يبقى غير قلمه يشكى ليه

والمداد من دمع عينه مين غيره حاسة بيه

المشاعر للى شاعر

واللى جواه احساس يقين

ولجرحه و الامه ما يفيد البنسلين

- بقلم محمد البلاط

مش قد الشيلة متشيلهاش// بقلم الشاعر : محمد البلاط

 مش قد الشيلة متشيلهاش// بقلم الشاعر : محمد البلاط

- مش قد الشيلة متشيلهاش

مش قد الشيلة متشيلهاش دا انتا مكلفنا مش ببلاش

ومطلع عينا وايمانا ومودى ولادنا على الانعاش

مش قد الشيلة متشيلشى و بهيلة وبيلا متنفعشى

عايزلها حمار ويكون جرار مش جاى يجرها الجحشى

دى كبيرة عليك واكبر منك افهم يا حمار شغل عقلك

كان قبل ماتقبل تتعلق يا توافق يا اما تفلق

ووافقت وفاكرها فكاكا ودخلت علينا بثلاجة

ومليلنا ايديك ومتعشم يا مبرشم مش فاهم حاجة

مش قد الشيلة متشيلهاش

دا انتا مكلفنا مش ببلاش

- بقلم محمد البلاط

عارفين انها قد الدنيا -- بقلم محمد البلاط

- عارفين انها قد الدنيا

من غير ما يقول بياع الفول عارفين انها قد الدنيا
دا باين مسطول ومهش مسؤول وتركيبة عقله المونيا

وفاكرنا اجانب مش فاهم محتاج من الكل انه يساهم
وكفاية عليه يلم البيه ووراه الفين شمام خادم

بياع فنكوش جاى يتعلم فى بلدنا ويقول راح اخدم
اتري الترتيب ان مصمم على النهب محدش يتكلم

ويقول راح تبقى وراح تبقى وبينضف من القرش جيوبها
ودا كله لانى حبيبها وعايزها تكون قد الدنيا

من غير ما يقول بياع الفول عارفين انها قد الدنيا

- بقلم محمد البلاط
 

سيب الارض يا عم شراقى -- بقلم محمد البلاط

 سيب الارض يا عم شراقى ( بعد عام او اثنين من الان )

.................

عب جواد

عب جواد

شايف الارض فيها كام شق وطول ايام السنة بنعافر

وبنستنظريوم حصاد وبنتمنى الرزق الوافر

وغشم الارض قطم العجل وكسر الحافر

رد عليا يا عب جواد ولا سكينة وياك بتعاند

اخذت قوله وراحت الغيط ومن قريفتك قاعد ساكت

زى الست سكينه فى البيت

..................

والله يا بدر الهم متلتل المحصول السنة خربان

واللى تاعبنى ومجننى ومخلينى فى التوهان

من الجمعية طلبت كيماوى وكنت الزرعه الجاية انا ناوى

ازرع فلفل وبتنجان

وان متبعش احنا هناكله واللى يفضل من حظ جيران

لكن الحظ مكنش معايا قالوا المشرف بيه عيان

قولت اروح على الارض احرتها واتنيها واتلتها

ويوم ويعدى وبكرة يبان

.......................

عب جواد راح تحرت ايه من شهرين مستنظر ماية

لو بالجردل راح ارويها واسهر فيها الليل بأيديا

جيت احرتها يا عب جواد الفين شق وشق قابلنى

كسروا العجل والمحرات ودا الشىء اللى مجننى

...........................

والله يا بدر بفكر فكرة وكانت تفكيرة بنتى نجات

سيب الارض يا بويا من بكرة وانزل بكره البندر ماشى

دور رزقك بأيها فكرة بغزل بنات او بمحاشى

...........................

والله يا عبدو الفكرة جميلة

فعلا جيلنا قليل الحيلة وجيل الزمن الاسود ناصح

لكن الحظ ربطه بتيله وجالهم واحد كيفوا يعاند

ولابواب الرزق دا سادد عقله واقف على الجهل ورابط

شد فرامله على التحويلة

.........................

سيبنا يا راجل من ها السيرة بكرة هروح السوق ببهايمى

واعطى البنت نجات قرشين جاى فرحها والله يسهل

وانزل مصر واكون انسان

................................

وانا وياك وبلاها فلاحة ناس مرتاحة وناس فى حاحه

هرى الماية كمان راح اسده خلى ولاد الناس يعدوا

مش الساسه علينا اتعدوا دول يتهدوا لكن بالراحه

.............................

صح يا بدر

انا من بكرة هكون فدائى واسيب الارض يا عم شراقى

واكل لحم الكلب الميت واكملها باى بواقى

واللى ظلمنا بقطع الماية تبقى عليا وعلى اعدائى

سيب الارض يا عم شراقى

سيب الارض يا عم شراقى

................

- بقلم محمد البلاط