سيبنى اعيش ومتشغلنيش -- بقلم الشاعر محمد البلاط

 - سيبنى اعيش ومتشغلنيش

سينى اعيش ومتشغلنيش تبعد عنى وتانى متجيش

وتوهنى ما بين امرين باقى الحب ولا مفيش

بتحيرنى وتدورنى وانا من حبك غصب عنى

قلبى النار وكلاه وشغلنى ماشية كأنى فى الهوا ريش

سيبنى اعيش سيبنى اعيش

سيبنى اعيش والماضى انساه وانسى الفرح وانسى اساه

قبل ما اضيع وتضيع قلبى وعليه ادور وما القاه

كافى عليا اللى جرالى بعد ما كنت فى حالى وخالىه

قلبى شغلته وليك ميلته واللى عملته فيه عملته

عايشة ايامى اللهو بعانى وبدور على دوا ملقيش

سبنى اعيش و متشغلنيش تبعد عنى وتانى متجيش

- سيبنى اعيش سيبنى اعيش

- بقلم محمد البلاط

مجلة - محمد البلاط: مسموحلك كل حاجة - بقلم الشاعر محمد البلاط

مجلة - محمد البلاط: مسموحلك كل حاجة - بقلم الشاعر محمد البلاط:   - مسموحلك كل حاجة مسموحلك بالأغانى مسموحلك تبقى فاسد هتصلى راح تعانى ويقولو ابو قلب جاحد...

مسموحلك كل حاجة - بقلم الشاعر محمد البلاط

 

- مسموحلك كل حاجة

مسموحلك بالأغانى مسموحلك تبقى فاسد

هتصلى راح تعانى ويقولو ابو قلب جاحد

مسموحلك تبقى الة تتحرك بالاشارة

ولوعقلك حاد وميل تبقى عيل زبالة

مسموحلك تنسى دينك وعليه نقدر نعينك

ونسد كل دينك وكمان جيبك نفول

مسموح بكل حاجة ترضى الباشا الخواجة

الا انك تحن لدينك او تميل

مسموحلك بالسفر لو تطلع القمر

مسموحلك كل حاجة الا غضب الخواجة

منه تشوف كل حاجة و الموت يكون قدر

ونكتم على الخبر ومسموحلك كل حاجة

- بقلم محمد البلاط

ايه العمل - بقلم الشاعر محمد البلاط

 

- ايه العمل

يا روح مليانة بجروح يا قلب متحمل الم

يا عين متصابه بقروح يا عقل من الحب اتصدم

ايه العمل ومفيش امل فى اللى اسى وبينا غدر

وكنا ننتظره الساعات وعلينا لحظة ما صبر

قطع الرسايل واجتنب منغير ما يحكى السبب

ومراسيلنه ليه بتشوف عجبب وبتحكى بيه

الشرب زهده والطعام والنوم جفاه وقطع الكلام

حتى السلام معدش بيرد عليه

طب كان دا ليه وعملنا ايه علشان يشيل مننا

ندمان عشان هوانا يوم وحبنا طب ما احنا بردوا حبناه

والشهد شربه وخد مناه ولا شفش يوم منا ضنى

وبنداديه ايه اللى فيه نقدر نشيل فوق حملنا

لا رد بيرد بجواب ولا منا متحمل عتاب

طب نعمل ايه والصبر غاب بعد ما ضج مننا

يا روح مليانة بجروح يا قلب متحمل الم

يا عين متصابه بقروح يا عقل من الحب اتصدم

ايه العمل ايه العمل ايه العمل

- بقلم محمد البلاط

-                تعر ايه عن الحب انتا

 تعرف ايه عن الحب انتا        غير كلام وحبة مودة
ولما تغضب منه تهرب           وكأنه قطر عدا

المحبة مش كلام                   ولا نظرة وابتسام
ولا عمره كان هيام                وغطا بيه تستغطى

لما قلبك يبقى يبكى                 ولانينه منه تشكى
يسالوك تحتار تحكى               ايه تقول على اللى صابك

لما تتمنى تشوفه                    ومتلاقيش حتى كفوفه
بتشاورلك بالسلامة                 وترجع الدمع فى عينك

لما تعبيرك يخونك                  وتتوه بين ظنونك
ويتخطف منك لونك                تبقى دى بداية المحبة

ياللى فيها بتستخبى                 وفاكر ان الحب لعبة
وكلمتين فى رواية                  وجاى تقولى المحبة

 تعرف ايه عن الحب انتا         غير كلام وحبة مودة
ولما تغضب منه تهرب            وكأنه قطر عدا

                 تعرف ايه عن الحب انتا

 -                بقلم محمد البلاط                  




        

 #القطيعة بين الأخوة حيث أصبح الأصغر يبرر قطيعته كون الأكبر لم يسأل والأكبر يبرر أن الأصغر لم يبادر والأدهى يقطعون صلة الرحم وقد تتهم الزوجة بأنها السبب وهي بريئة براءة الذئب من دم يوسف

في الآونة الأخيرة بدأت ظاهرة اجتماعية في الظهور على السطح بشكل مقلق وهي "تأزم العلاقات بين الإخوان والأخوات "!!!

الأخوة ليست علاقات صداقة تنهيها حين يغدر بك الصديق ويخون .. هي دم يجري في عروقك ، لذلك حتى لو تجاهلت وجوده في حياتك فستصرخ كريات الدم في عروقك لتشعرك بالحنين إليه !!!

فإن زرتني زرتك .. وإن أعطيتني أعطيتك .. وإن أحسنت إليّ أحسنت إليك .. فمن يقيسون عطاء الأخوة بقانون الأخذ والعطاء لن يحصدوا سوى جفاف المشاعر وتصحر الأحاسيس وتباعد المسافات!!! .
لذلك لا تسمح لهم أو لغيرهم أن يتدخلوا في تشكيل إطار علاقتك بإخوتك ويدفعوا بك نحو طريق القطيعة والبعد ،

وإذا ما سمحت بذلك فسترى المشهد نفسه يتكرر بين أبنائك والقطيعة تدب بينهم وأنت تتحسر عليهم !!!

روعة الأخوة أن تشعر أختك أو أخاك بقيمته في حياتك .. باشتياقك له .. بأن أمره وهمومه ومشكلاته تعنيك .. بأن دموعه تنحدر من عينيك قبل عينيه .. أن تسنده قبل أن يسقط .. أن تكون عكازه قبل أن يطلب منك ذلك ..

الأخوة ليست أسماء مرصوصة في بطاقة رسمية .. ولا أوراقاً مرسومة في شجرة العائلة .. ولا أرقاماً هاتفية مسجلة في هاتفك ..

أنتم إخوة .. حملتكم الرحم نفسها ، وأرضعتكم الأم نفسها ، وعشتم في البيت نفسه ، وأكلتم من الصحن نفسه ، وشربتم من الكأس نفسها ، واحتفظتم بالذكريات نفسها ، ولذلك لن تستطيع أن تمحو كل ذلك ، وحتى لو حاولت ستشعر في نهاية كل يوم بتأنيب الضمير فالدم الذي يسري في عروقك سيشعرك بالحنين لإخوة يقاسمونك كريات دمك نفسها !!!

فإياك ثم إياك أن تفرط بأخوتك من أجل أي شئ في هذه الدنيا فكل شيئ يمكن تعويضه ولكن إخوتك إن ذهبوا فلن يأتي غيرهم ..

منقول

 -                           بعد ما كانت الحشمة قناع

بعد ما كانت الحشمة قناع                    راحة الحشمة وحظك ضاع
ومعدناش راح نسمع تانى                    افلام غش وفيها خداع

كنتى العبرة وكنتى املهم                     اللى شيطان المال جننهم
باعوا الاخرة وباعوا دينهم                  وتحت بطاطك كله انطاع

ظهر السوء وبينتى خلاص                  والمرفوع اصح منداس
رخص الزهر وغلا الماس                  وانتهى دورك بين الناس

واللى باقيلك اعلم بيه                         رب الكون عنك مداريه
بعينك لازم راح تشوفيه                      واللى اتعاص منك يحميه

كنتى العالة وكنتى العلة                       وست زبالة وشكلك فلة
وياما خدعتى وياما ضيعتى                   وياما عيشتى شعوب فى مزلة

قرب يومك ينطفى نورك                     زى ما زليتى تتزلى
واولها خلعان هدومك                         واخرها تقعدى تتفلى

والزبان عليكى يعف                          واللى يتف واللى ينف
                    واللى يقولك ياللى ويا اللى
بعد ما كانت الحشمة قناع                    راحة الحشمة وحظك ضاع               
                   
                     بعد ما كانت الحشمة قناع

-                       بقلم محمد البلاط






                 

-                           الحلال تجهز قبرك

\  طول يا صبري طول يا صبرى         طول وهدى ليا قلبى
   واوعى تيأس  من اللى جاى             الله يعلم بالمخبى

-  منتظر منى اطول                         فى زمن مفهوش اصول
   ولا باين ليه نهاية                         وفيه بيحكم العويل

\  انتظر يا صبر حبة                       عيب تغيب وتستخبى
   دا انتا علمت الغلابة                      يصبروا على عيش وفول

-  انتظار على اى لقمة                     سهل اكثر من اللى نقمة
   وزمنكم كله عتمة                         مش ظاهرله اى نور

\ لا يا صبرى  لا يا صبر ى              ليه بتلعب ليه بعمرى
   لسه ما جهزت قبرى                    ودى منك مش اصول

- منتظر اعملك ايه                        وانتا اللى فيها بيه
  باعوا ارضك هدوا بيتك                 وانتا ما قولتش دا ليه
  منتظر اقوم واساعدك                   وانتا حابس فيك ردك
  ومسلم للى هانك                          واللى هان شرفك وعرض
  عيب عليا لما اساعدك                   ياللى فرطت فى ارضك
  الحلال تجهز قبرك                       قبل ما تقول اعمل ايه
  اللى بيساعد نفسه                        الله بيسرله امره
  واللى بيعافر وحاول                     الله بالصبر يرضيه
                       الحلال تجهز قبرك

-                    بقلم محمد البلاط
 
 


  
                                

 -                                   مش هنساك

مش هنساك مهما تغيب عنى                     مش هنساك   
ولو راح احس ان انتا ظامنى                    مش هنساك
مهما تغيب او تهجر حتى                         ومهما ان كانت طول المدة
انا يكفينى تشوفك عينى                           وفى احلامى اكون وياك
-                         مش هنسلك انا مش هنساك
مهما يقول عزالى هجرنى                        ومهما يقولوا ويحكوا عنى
انتا فى قلبى بتجرى فى دمى                     وانا من غيرك ابقى هلاك
مش هنساك لو هنسى انا روحى                 ولو هتكون ملح على جروحى
ومهما ان سال الدمع وبوحى                     ملقاش فعل  و  رد معاك 
                         مش هنساك انا مش هنساك
غيب على اقد ما تقدر غيب                       راح ابررها بانه نصيب
ومسيرك راح ترجع يوم                          للمحروم وتكونله طبيب
انتا حبيبى وانتا دوايا                              وانا الأرض وانتا سمايا
وانتا  الشىء اللى باقى معايا                     ومليش غيره مهما يغيب

غيب على قد ما تقدر غيب                       ومهما يقولوا ويحكوا عنى
انتا فى قلبى بتجرى فى دمى                     راح ابررها بانه نصيب
مهما تغيب او تهجر حتى                         ومهما ان كانت طول المدة
انا يكفينى تشوفك عينى                           وفى احلامى اكون وياك
                        مش هنساك انا مش هنساك

-                             بقلم محمد البلاط