اللى منه يضيع وطنه يبقى خاين ابن خاين - بقلم محمد البلاط

- اللى خان وطنك منك -

اللى خان وطنك منك مش غريب ولا حد تانى

فسر الحلم بعقلك مش بتحليل الغوانى

اتبنى السد بمالك وكام بنك فيها جانى

واللى بيلعب بعقلك اصلهم اولاد زوانى

فوق واصحى راح تجوع ولا مستنى السبوع

تاخذ المقلب فى كيس ومعاه حبة شموع

الكلاب محاوطة بيتك وعنيها على غيطك

واللى كان خدام عندك بكرة يبقى سيد سيدك

راح تجوع ومش هتلقى ولا جردل ولا مسقى

وتضيع فى الارض هايم ساحب معاك البهايم

ومين هيقبل يستضيفك لو منكس حتى سيفك

دا اللى منه يضيع وطنه يبقى خاين ابن خاين

- بقلم محمد البلاط

 

دا اللى جندى صح اصلى - بقلم محمد البلاط

 هوا دا الجندى اللى كان اسمه جندى ايام زمان

عمره ما ميل وخان ولا هان عليه ترابها

هوا دا صح عاشقها هوا دا اللى كان حبيبها

هوا دا ترباس بابها اللى كان بعنيه حارسها

دمعه كان يسيل عشانها هودا اللى فى عينيه شالها

هوا دا اللى من حشاها وفى حشاه شايل الامها

هوا دا المصرى اللى حق واللى عمره ما قال لا

لو قالتلو قوم ووفى ولعدوى صفى واخفى

ودق راسه دق دق هو دا الجندى اللى حق

دا اللى اسمه ورسمه مصرى دا القديم وحديث وعصرى

دا اللى كل وقت ليها دا اللى جندى صح اصلى

مش مناظر وكلام وانبطاح باسم السلام

ولا عمره قال بكام ولا عايز منها حقى

دقى دقى يا سعات اصرخى حان الجهاد

اعتبر الحى مات وللولايىة قومى سقى

اللى باقى من اللى راحو ضمضى بحضنك جراحو

سلميه فى يده سلاحه الاسد لسه ما مات

على الشجر سيبى القرود واحنا هنهد السدود

والشهيد ليه الكرامة واحضنى اللى يعود

وانسى قليل الكرامة فى الف داهية لا يعود

هوا دا الجندى اللى كان اسمه جندى ايام زمان

دا اللى اسمه ورسمه مصرى دا القديم وحديث وعصرى

دا اللى كل وقت ليها دا اللى جندى صح اصلى

- بقلم محمد البلاط -

انا مش قد الناس دى يا عم - بقلم محمد البلاط

 

انا مش قد الناس دى يا عم

ولا هقدر انى اهتم

انا منظر وبحب اتمنظر

رغم انى بحب الدم

انا مش قد الناس دى يا عم

يخدو الماية يخدو الغيط

والحنفية تموت فى الحيط

لو نطو حتى على البيت

انا ابكم وساعتها اصم

انا مش قد الناس دى يا عم

انا خايف بس على عيالى

دى مصيبة كبيرة وجيالى

وياريتها تاخد الكل

وتسيبنى لوحدى وفى حالى

انا مش قد الناس دى يا عم

انا اظيط وكلام وبس

واشجع تفنين الهلس

ولو وصلة بسيطه من الرقص

وفى الجد حاول تنسانى

ارسملك واخطط حلو

لو برجك كان برج الدو

تغرف بيه وتقدر تتناول

ومتخفش من كلمة عو

بس ابعدنى وابعد عنى

وبلاش فى الجد تكلمنى

واللى يروح يروح يروح

فدا للنفس وفدا للروح

لكن حشر بلاش تحشرنى

انا مش قد الناس دى يا عم

انا مش قد الناس دى يا عم

بقلم محمد البلاط

يا كل شاعر محترم - بقلم محمد البلاط

سرالسعاده حرف فى ورق

ودوا العياده سطر فى ورق

وكل الافاده كلمة فى ورق

واخرها كله بيتحرق

كتبت شعرى على الورق

اشكى الألم للى خلق

والفين شهادة وتنسرق

رغم ان المجد برق

عرفو انى شاعر بالألم

وانسان مجاهد محترم

لا جاملت يوم اللى ظلم

ولا اللى جاى من عدم

سألونى ايه بتسعى ليه

وايه اللى نفسك تبقى فيه

لو كنت من ضمن الخدم

هتنول رضانا وتبقى بيه

انا قولت يكفينى الورق

لو حتى كان هيتحرق

والحرف لو راح يتخنق

يمكن يلاقى اللى شاريه

ما خلاص معدش فيه ادب

واللى عايشها اللى ركب

قطر النفاق خلاص كسب

مفيش مكان باقى لينا فيه

يا كل شاعر محترم

يا كل كاتب كان هرم

اطوى الورق واحفظ ما فيه

يمكن فى يوم حد يلاقيه

جراب القلم خلاص اتخرم

سرب مداده الباقية فيه

والشعر بيته اتهدم

حتى الأدب ما عدش فيه

نطت كلاب المحترم

بمالها لمت الزمم

كسب اللى باع حبت ورق

وابن الاصول دمه اتحرق

سرالسعاده حرف فى ورق

ودوا العياده سطر فى ورق

وكل الافاده كلمة فى ورق

واخرها كله بيتحرق

بقلم محمد البلاط

 

عايز تعيش - بقلم محمد البلاط

 

- - عايز تعيش -

زمن الاصول والاحترام ولى معاه كل الكرام

مش باقى غير حبة غجر تشبه قرود على الشجر

لا عارفه ايه معنى الادب ولا عارفه معنى الاحترام

عايز تعيش تكون فهد بمقدرة

مش ابن لبؤة ليك ريش ومنظره

عمر الاسد ما كان اسد واكله جيباه المرة

عايز تعيش املك سلاح واعمل حدود للسماح

والكلمة يبقى ليها رد والصمت يتغير صياح

وان جت عليك يوم الرياح اضرب بكل مقدرة

مفيش موت قبل المعاد ولا حظ من غير اجتهاد

واللى مقدر للعباد حاصل ولو رجعم ورا

اختار طريقك حدده وللكريم اللى خلق اسجد ليه واعبده

ومتخفش من عوى الكلاب لو السلاح ليك سددو

زمن الاصول والاحترام ولى معاه كل الكرام

مش باقى غير حبة غجر تشبه قرود على الشجر

لا عارفه ايه معنى الادب ولا عارفه معنى الاحترام

- بقلم محمد البلاط -

امتى تحس يا منظر بس - بقلم محمد البلاط

- امتى تحس يا منظر بس -

امتى تحس يا منظر بس ولا هويت النوم فى الفرش

امتى تحس انك مسؤول يا اللى حياتك غش فى غش

كنت بشخه واحنا فريحها وبنحميها بالروح والنفس

جاى بكل سهولة تبيعها وفى المخاليق بتسوق بالرفس

فوق وفكر حبة بعقل رعب الناس مش بالسهل

تدى امان راح تلقى امان اما جنان وتسوق فى العهر

يبقى مصيرك نفس مصيره ومش راح تلقى منا حنان

اتحملنا كثير وصبرنا وقولنا من الله عزاب وقدرنا

لكن توصل هدم وطنا يبقى هبل وجنان فى جنان

اخدم نفسك صلح غلطك مش راح نقبل ابدا عبطك

وان كان جن فى عقلك خبطك يبقى مصيرك ظهر وبان

واللى يخون القص علاجه واللى يصون عندنا يتصان

- امتى تحس يا منظر بس -

- بقلم محمد البلاط -

 

حق من الله اتفرض - بقلم محمد البلاط

 

حق من الله اتفرض مش منة يا هلفوت

وان كان منك فرط الامر يا ظبوط

حط فى بوقك زلط واركن جنب الحيط

سنة حياة وبتدور وجى عليك الدور

قبلك كام طرطور ظاطو فى شعب ظيط

نكسهم الله بعار رقدو فى قفص على بيض

ملكش غير فى الهلس والتفاخر بالنفس

والنرفزه والرفس زى الحمار فى الغيط

اركن وسيب ناس لها عقول فى الراس

تقدر تدير الوطن مش طلبين ترباس

اخرك صفا وريح وتنادى وتصيح

مش عايش مأنتخ وعايزنا ليك حراس

مش خدامين عندك وانتا لينا خدام

ما كنا من قبلك زيك وكنا تمام

ليه الغرور شدك وبقيت فينا طمعان

تسرق ولا همك كأنك السلطان

حق من الله اتفرض مش منة يا هلفوت

وان كان منك فرط الامر يا ظبوط

حط فى بوقك زلط واركن جنب الحيط

سنة حياة وبتدور وجى عليك الدور

قبلك كام طرطور ظاطو فى شعب ظيط

بقلم محمد البلاط

ساعات الصبر - بقلم محمد البلاط

ساعات الصبر

ساعات الصبر من القلة مناه

بيجف

وانا صابر معاك الدهر وقلبى من الهموم

بيسف

ماشى بشورة حكيم زمنى

سفوف الهم اطحنها ومنها تسف

وذوبها فى صبر وخل واشربها وادهنها

ولو فى يوم عقلك خل

تكون بشرى وتبشيره من الحيره

وان الميزان اختل

ومن همك خلاص هتخف

وشجر الصبر على قبرك

كثير من الخلق يتمناه

وعليه بيلف

امل يلقى عصيره فيه

وقلبه من همومه ما جف

ساعات الصبر من القلة مناه

بيجف

بقلم محمد البلاط

 

لبيك سيسى لبيك

هتحمل مهما تتك

انا عرص بعرص وبكيفى

وبدون ما تربط وتفك

لبيك يا سيسى لبيك

لبيك وهنعرص ليك

وبراحتك لو حتى ----

مفهاش ظن ولا شك

على طبعك الكل اتعود

وعرفينك جبار وبتعند

وبتاخد وبدون ما تسدد

لا بوصل ولا حتى بشيك

لبيك وهنعرص ليك

لبيك وهنعرص ليك

وبمالى يا سيسى راح افديك

وان جيت على البيت راح اسبتلك

والحرمة تكون ملك ايديك

طلباتك من عينا وامر

النوم على والوش والظهر

من غير ما تدفع لمقدم

ولا قسط ويكون بالشهر

عايشين ايمنا من خيرك

ولو ترحل عمرنا ما نسيبك

على باب القصر راح نجيلك

ونقولك راح فين الصبر

لبيك يا سيسى لبيك

بالجاف مكتوبة وبالحبر

تحت الامر ليك وملك

لو تدفنا يا سيسى فى قبر

اتعودنا يا سيسى نعرص

بالفوت والسنتى وبالشبر

انتا علينا بس الريس

لو تدفنا يا سيسى فى قبر

لبيك يا سيسى لبيك

بقلم محمد البلاط

 

هذا النوع ما بيطمر فيه - بقلم محمد البلاط

- هذا النوع ما بيطمر فيه -

لو فيه كلب صرفت عليه يهبش فى اللى يقرب منك

وعندى الكلب اللى مربيه لا بيشفيه ولا بيتحرك

دخلو بيتنا لصوص اغراب وكان الكلب واقف على الباب

لا فيه عتاب ولا بيستغراب واللى غريب وكان الاغرب

ترقيص زيله و فيه بيحرك

انا غلطان وغلطى ركبنى انى وافقت يربيه ابنى

قولت هعيش مرتاح وراح ابنى واللى اتبنى راح يسكن فيه

كنت بشاركه فى عيش وملح ولو فيه جرح بطبب فيه

اتريه خاين ويظهر باين هذا النوع ما بيطمر فيه

نوع تديلو مبيشبعش ومهما تطبطب مبينفعش

وكان من الافضل اشترى جحش اقدر اشيل واحط عليه

لو فيه كلب صرفت عليه يهبش فى اللى يقرب منك

وعندى الكلب اللى مربيه لا بيشفيه ولا بيتحرك

نوع معروف مصعور وخاين لا بيحرس ولا للبيت صاين

ويظهر انه وعليه باين هذا النوع ما بيطمر فيه

هذا النوع ما بيطمر فيه

- بقلم محمد البلاط

 

يا هدية من ربنا - بقلم محمد البلاط

يا شهر من ربنا فيه رحمة ومغفرة

ارحمنا يا غفار

وارحم فينا ضعفنا و نجينا من النار

صبرنا على الايام نورنا بالقران

ويبقى صلاة وصيام ونعيشه بالسنة

يا رب يا معبود ياللى ما حده حدود

وفى القلوب موجود برضاك علينا جود

وعلى الصيام عينا

طمعان يا ربى فيك وانتا اللى مادد ايدك

فرحان باللى يجيك يا رب انشيلنا

من الدنيا وهمومنا يا رب سلمنا

قادر تعصمنا ونوفى ما يرضيك

فى هديتك لينا اللى تنجينا

وعلى الصيام عينا وللخير اهدينا

يا شهر من ربنا فيه رحمة ومغفرة

ارحمنا يا غفار

وارحم فينا ضعفنا و نجينا من النار

- بقلم محمد البلاط -

 

مين منتظر يحميك - بقلم محمد البلاط

 

- مين منتظر يحميك -

الخوف مش هينجيك والموت على بابك

مين منتظر يحميك وانتا تانى ذراعك

يا تكون بشر انسان وتصون اللى اتصان

ويبقى ليك مكان تسلمه ولادك

يا تكون عبوديه وتنحنى شويا

وتطاطى مراضية لكل من هانك

الخوف مش هينجيك والموت على بابك

مين منتظر يحميك وانتا تانى ذراعك

بيخونك الخاين وكل شىء باين

وراضى وبتجامل عشان يرضى عليك

طب لو رضى وسابك وقفلت ودانك

من الجوع مين يعطيك واصابنا ما صابك

الهم طايل الكل وراح تشوف الذل

ولولاده يبقى الفل والهم لولادك

راح يسافر ويروح وانتا اللى فيها تسوح

والامر بقى مفضوح مغمض ليه عينك

الخوف مش هينجيك والموت على بابك

مين منتظر يحميك وانتا تانى ذراعك

يا تكون راجل شهم وتبقى سيف وسهم

يا تكون كلب وغم والكل يلعن فيك

مين منتظر يحميك وانتا تانى ذراعك

الخوف مش هينجيك والموت على بابك

- بقلم محمد البلاط -

 

- قوم يا جيش احمى وطنا -

النهاردة الوحدة واجبة وننسي تايد ومعارضه

القضية اللى احنا فيها مركبة ومحتاجه قائد

مش قضية مين حرامى ومين عصامى وراح يعاند

القضية لسه نيا ومستوتش

وبايدنا وباتحادنا تبقى فى ايدينا كوتش

بس نزاعنا منعنا وسهل نبقى السندوش

القضية بالتفاهم وللي مش فاهم اساسها

لعبة من ديب وخادم لكلاب طلة براسها

عايزة تكلك غصب عنك باتفاق من ورا منك

سنت السكين وموسها وبفلوسها راح تذلك

منهم اللى قال حبيبك والخيانة من قريبك

وناس مفضية جيبك كلها بترمى فى اساسها

اللى بيهلل يوماتى فى اعلامه وليك فاضى

واللى عامل نفسه فاهم واللى عامل فيها قاضى

كله بيشغل دماغه وانتا قابل بيه وراضى

ولما تحصل المصيبة تبقى بالنسبالو عادى

معاه فلوس هيعيش بيها وانتا اللى هتعانيها

اى دولة يروح فيها وانتا اللى واقف قصادى

راح نموت من الجوع يا صحبى ومش هنلقلنا مكان

القضية مش معارضة ولا تايد بكلام

النهاردة الوحدة واجبة وننسي تايد ومعارضه

القضية اللى احنا فيها مركبة ومحتاجه قائد

واحنا قادة وامر منا قوم يا جيش احمى وطنا

واللى هيخلاف اوامر يبقى هو اللى خانا

يبقى هو اللى خنا

- بقلم محمد البلاط

فين المخلص المسيح - بقلم محمد البلاط

 - فين المخلص والمسيح -

فين الفيلسوف العبقرى اللى زرع الجنبرى

وسمعنا منه كثير كلام وكلامه كان لين طرى

فين الفيلسوف اللى الكسوف بيبان عليه

لما يقابل اى ضيف ويقولو شعبك عامل ايه

فين اللى كله شوك وشر وملوش شطوط ولا اى بر

فين اللى عامل نفسه حر مظهرش ليه

مش كان هوايته الظهور وفى كل شىء محشورله دور

مش كان غاوى الرطرطة وكثر الكلام فى الميكرفون

فين الامام والمسيح فينه المخلص الكسيح

فين اللى اوهم البشر ديك البرابر الفصيح

فين اللى عامل العفى وفى كل بلوة بيختفى

ويظهر مع استعراض جديد او بتبوت المنكفى

فين اللى عامل نفسه حر فينه بمراره اللى يضر

فين اللى كله شوك وشر وابقو اسألوه راح تعمل ايه

- بقلم محمد البلاط -

انتهى وقت التفاوض - بقلم محمد البلاط

 انتهى وقت التفاوض

واللى باقى وقت ضيق
والموافق والمعارض
ارضه بكره راح تشقق
واللى كان للسد ساند
واللى فينا بمكره فرق
كله هيجوع الا هو
راح يسيب الدنيا جوه
فيها نار لألف حمار
وبعزالو راح يفلق
اصحى يا نايم وفوق
واللى متخبى فى شقوق
الحقيقة واضحة ليكم
ودا انذاار وضوء
انتهى وقت التفاوض
واللى باقى وقت ضيق
والموافق والمعارض
ارضه بكره راح تشقق
بقلم محمد البلاط 

اترينى طلعت خام -بقلم محمد البلاط

شوفت يا اسطى البنت فاطمه

بايديها بتعمل ايه

رسمة قلب رمز حب

لو بكذب بتراضيه

مش حريم تسود عيشتك

لو صباحك طس فيه

هى دى العيشة الكريمة

مش لائيمه تراظى فيه

بنت عم الحج عامر

عمله سامر ويا جوزها

وعيشة بنت الحج طلبه

وجعه قلبه بالمطالبه

وطول النهار لويالُه بوزها

واعتماد ست البنات

اللى كله كان عايزها

سايقه دايما العناد

طالبة يطلقها جوزه

اااااه يا قلبى المخبى

ومشتكتش الا لربى

كان نصيبى انى اعبى

جوة قلبى واصر فيه

كنت فاكر العلام

هو فى الحب اللى ليه

اترينى طلعت خام

وحكمت غلط عليه

بقلم محمد البلاط

 

 - فين الاسد -

فين الاسد اللى الفيران ركبت عليه ولزيلها لزعر دلدلت

فين الاسد اللى كذب وبكذبته كل الحمير اتأثرت

فين الاسد اللى افتكر بجبروته راح يحنى الشجر

فين الاسد اللى اللى كرامته اتمرمغت بين التراب والحجر

راح فين عمنا الاسد فى الجحر ولا اتربط

ولا فى حيطة اتخبط ومش لاقى حد يوقفه ولا عليه يتسند

مستنى لبؤة تاكله بعد ما اخدو لقمته

والله الفيرا طلعت تمام قدرت عليه وذلته

زائيره من خلفيته لا بهمته ولا قوته

ممكن تقول انه الفساء او الضراط ناتج وساخت معدته

متصدقوش فنكوش ويشبه جزمته لا رباط ليه على الكلام

ولا فى السلام تقدر تصدق كلمته

غدار وغدره منه بان والكل عارف لعبته

يقتل قتيل ويعزى فيه ياما داس كثير فى سكته

فينك يا عم الاسد ولا لسانك اتربط

فين الاسد اللى كذب وبكذبته كل الحمير اتأثرت

فين الاسد اللى الفيران ركبت عليه ولزيلها لزعر دلدلت

- بقلم محمد البلاط -