قاصد بابك - بقلم محمد البلاط

قاصد بابك
---------

قاصد بابك ياكريم خاشع ولك صافى
يا رحمن يا رحيم بحمل على اكتافى
قدرنى اشكر نعمتك والشكر مش كافى
يا نور السما والارض ليك مننا الحمد
امنت بيك امنت يا رب يا شافى
امنت بقولك ووعدك الموعود
امنت بلقاؤك ومفيش مابينا وسيط
امنت بالانبيا وملائكة وسراط
امنت بالجنة والنار وكل وعيد
وامنت بالساعة ويوم عزابه شديد
وعليك توكلت واليك يا رب انبت
فاغفرلى ما قدمت واغفر لى ما اخرت
لا اله الا انت اعلم باسرارى
واعلم بما اعلنت وبكل احوالى
يا رب بك خاصمت واليك يا رب انبت
واليك يا رب حكمت فاغفر لى ليك الحمد
قدرنى اشكر نعمتك والشكر مش كافى
يا رحمن يا رحيم بحمل على اكتافى
قاصد بابك ياكريم خاشع ولك صافى

بقلم محمد البلاط

مسحراتى البلد - بقلم محمد البلاط

مسحراتى البلد من غير طبلة بدور
اصحى بنت وولد ولكل واحد دور
بالاسم اسمى واغنى وابنى بغنايا قصور
واللى بعيد عنى انده عليه واقول
اصحا يا نايم يا نايم اصحا عليك الدور
وواحد الدايم وارجع لله وتوب
وذنوبك امسحها وحط مطرحها
اساس مفهش عيوب
اصحا يا نايم يا نايم اصحا
اصحا وصحى النوم
يا حج جبر جبر بفضله علينا
وسمعنا عنك خبر انك راح تجينا
قولنا قلولو اصتبر طلبك دا فى عنينا
اصحا وصحى النوم احنا لحداك جينا
ويا ست عايدة بفايدة تبدرى سحورك
وتسحرى الولد والبنت وجوزك
وان هل فجر اليوم متضيعوش فرضه
الخير يزيد ويدوم فيه ناس بتقعدلو
شهر الكرم محترم فى هيئته وصورته
ويا بخت اللى كرم اهله وكمان جيرته
اصحا يا نايم يا نايم اصحا
اصحا وصحى النوم
ووحد الدايم رمضان كريم
ويحب اهل الكرم واللى نوى على الصوم
اصحا يا نايم يا نايم
اصحا وصحى النوم

بقلم محمد البلاط

مسحراتى 2020 بقلم محمد البلاط

اصحا يا نايم وحد الرزاق
وانوى تكون صايم للواحد الخلاق
اصحا وصحى النوم واطلب عليك يدوم
محبته وتشتاق
تعود ايامه بامنه وسلامه
وتربى الاخلاق
اصحا اشترى الجنة دى قريبة منا
وثمنها مش غالى دا سهل وبايدنا

نتسحر ونصوم ونخف حبة النوم
ونذكر الخالق وفى بحر ذكره نعوم

اصحا وصحى النوم وانوى فى بكرة تصوم
بجبنة ويا الفول واى شىء معقول
وبلاش صلصة وثوم
ونام خفيف راضى وسيب مكان فاضى
علشان تكون راضى ومفيش حداك هموم
اصحا كريم جالك ضيف وعلشان
بهدية جايبها ووصل بيها بابك
فيها رحمة من الله ومغفرة وتوبة
وفرحة باسم الله ليك منه مكتوبة
بس اصحا يا نايم ووحد الرزاق
وانوى تكون صايم للواحد الخلاق

بقلم محمد البلاط

تحديات رمضانية - بقلم محمد البلاط

حمضان طبيخك حمضان
ومن ريحته على بعد يبان
وزعلانة علشان مليتوه
والزعل على وشك بان

مش هاكل من يدك تانى
لا محمر ولا حتى صوانى
وهتجنب اكلك لو انه
فى فترينة عند الحلاوانى

واين دارت الحرب مابينا
وحريمنا فكر يهزمنا
راح نصمد ولا حد يهينا
ولا ناكل يوم غصب عنا

ولو متنا بالجوع وبنصرخ
ولا حد يقول ان حريمنا
هزمونا فى نيزال المطبخ
ولا وصلو لشىء يسممنا
ولا راجل مش عارف يطبخ

حمضان طبيخك حمضان
ومن ريحته على بعد يبان
وزعلانة علشان مليتوه
والزعل على وشك بان

بقلم محمد البلاط

لو بكرونا الخير هيجينا - بقلم محمد البلاط

لو بكرونا الخير هيجينا
ديمها يا رب العرش علينا
دا احنا تعبنا كثير واسينا
واللى تعبنا واحد هلفوت
وتريحنا وما تفضحنا
لو الستر يكون بالموت
لو الستر يكون بالموت
والقلقان قلقان ليه وخاف
من موت سهل عليه يفوت
يا بكرونا يا بمكرونا
ياكل منه يطق يموت
اعمل خير وسيبها على الله
وبلاش تعمل نفسك فلة
وتكون اسى وقلبك عاصى
ومؤيد لبقيت الشلة
ناس بالله كفرت والدين
واحنا معاهم مش راسين
اللى الاتى واللى فلاتى
وكبيرهم اعور العين
الدجال قلقان على ناسه
لما عملها وجت على راسه
والباقى كتماه الايام
عام والثانى هتبقى تمام
ليه قلقان وليه قلقان
واللى خلقها حفظها تمام
مسك الدفة وموجها
عكس ابليس ما عايز يحدفها
وحكمت ربك كله شايفها
ومعمى عنها الاغنام
فيه اللى شايفها وفيه السرحان
خايف ليه وليه قلقان
لو على الموت كله راح يموت
لو بمرض او بالنبوت
لكن حكمة من الله عملها
قاصد بيها الناس ليه تعود
اهل الغرب كثير رجعولو
والاعراب لسة ما لانو
واللى شاغلهم الاوهام
قوم اتغطى يا عم ونام
ومتسألش فاضل كام
ارخص من الجنة مش هتلاقى
وكله زوال وكله حطام
قلقان ليه وخايف من الموت
سهل عليك فى لحظة يفوت
يا بكرونا يا بمكرونا
تاكل منها تطق تموت
ديمها يا رب العرش علينا
دا احنا تعبنا كثير واسينا
واللى تعبنا واحد هلفوت

بقلم محمد البلاط

بنظرة سحر - بقلم محمد البلاط

تدارى مهما تدارى رموشك اللى ذبحانى
وكافى عمرى ضيعته وكنت عليا الجانى
بنظرة سحر وعملتو لقلبى وكتفه الجانى
وكل الانس جاب سيرته وظلمو عفريت وجانى
لا انا سليمان ولا شوفته لكنت سالته عن حالى
بسحر عنيك مجننى وذابح قلبى برموشك
يا تسأل عنى تطمنى يا ابعت روحى تبوسك
محمد البلاط

اااه يا زمن - بقلم محمد البلاط

اااه يا زمن

من غير ديكور ولا فرع نور
ولا مهرجان بيتعمل
شالوا حمول ثقل الجبل
وما حد قال فين الثمن

مش زى ناس باعو الاساس
وفيهم العويل بيتخدم
اااه يا زمن اااه يا زمن
اااه يا زمن

يا موطى من قيمة الكريم
ومعلى مرتبة اللئيم
وقتلت روح من غير ثمن
ااه يا زمن اااه يا زمن اااه يا زمن

ان كنت مخدوع فى البتوع
صاحب القضية الجمل
لف وطوف كل الربوع
واسأل على شهم اتعدم

جوة العيون هتشوف دموع
وفى القلوب جرح اتكتم
وبركان بيغلى بالسموم
مستنى يطلع ليه يوم

وساعتها هيبان من الهدوم
كل المخبى واتردم
اااه يا زمن اااه يا زمن
اااه يا زمن

يا موطى من قيمة الكريم
ومعلى مرتبة اللئيم
وقتلت روح من غير ثمن
اااه يا زمن

بقلم محمد البلاط

منتش زمانى يا زمن - بقلم محمد البلاط

منتش زمانى يا زمن
منتش زمانى
دا انت اللى دفعنى ثمن
وعليا جانى

فيك العليل ملوش دوا
واللى اتظلم قلبه انكوى
واللى بيخلص يتشوى
ويكون انانى

فيك اتسجن ابن الكرام
واللى سجن ابن اللئام
واتهان عزيز واشتغل
عند الحقير خدام

ابكى على الماضى اللى ضاع
ولا على حكم الضباع
ولا اشيل مذلتى فى سلتى
واقبل مرار اصبح مشاع

منتش زمانى يا زمن
منتش زمانى

لا هشيل ولا اقبل الحمول
ولا منى يوم عويل يطول
واموت شريف وبكلمتى
بين الكلاب راح اجول واصول

واطويك وعمرى ما انطوى
لو كان فى موتى الدوا
هقبل اموت بس اقول
منتش زمانى يا زمن
منتش زمانى

فيك اتسجن ابن الكرام
واللى سجن ابن اللئام
واتهان عزيز واشتغل
عند الحقير خدام

منتش زمانى يا زمن
منتش زمانى

بقلم محمد البلاط

ديمها علينا يا رب كرونا - بقلم محمد البلاط

ديمها علينا يا رب كرونا
----------------------
ديمها علينا يا رب الكون
واللى هيزعل المجنون
اللى ما عارف ولا بيحس
ولا للنعمة يوم بيصون

ناس مش فاهمة اتخلقت ليه
ولا عايشينها بيعملو ايه
اللى بياخد مبيديش
وبينسى المفروض عليه
ديمها علينا يا رب كرونا
وتبقى طريق سالك لجهنم
تاخد بيها اللى ظلمونا
وتنجينا من الحوش ونمنم
وتهدى ابو قلب سليم وراضى
لو اعجمى وعلى ذنبه بيندم
واللى مقطع السجادة
ومقضيها عبادة فى عبادة
تبقى مواصلة ليه وزياده
لو بلسانه ابليس راح يخدم
طهر بيها الارض ونظف
يمكن جاهل الشىء راح يعرف
ان الدنيا للى خلقها
وقادر يبيدها بكلمة وينسف
ديمها علينا يا رب الكون
واللى هيزعل المجنون
اللى ما عارف ولا بيحس
ولا للنعمة يوم بيصون
خد بيها قاضى ظالم الناس
حاطط الرجل مكان الراس
واللى بيقتل خلق الله
وكلاب معاه حراس
خد بيها اكل حق يتاما
لجل تكون عبرة وعلامة
للى ما يعرف حق وواجب
ودايما راكب على خدامه
خد بيها قد ما تاخد شيل
الراقصة والطبيل
وارحمنا من الناس الفاشلة
اللى احترفت التمثيل
اجعلها مقشة رمضان
لجل ما تقبل لينا صيام
على بابك واقفين اكوام
طالبين العفو وغفران
و ديمها علينا يا رب الكون
واللى هيزعل المجنون
اللى ما عارف ولا بيحس
ولا للنعمة يوم بيصون
بقلم محمد البلاط