كرمنى الله كثير بيكم - بقلم محمد البلاط

( كرمنى الله كثير بيكم )
===========
كرمنى الله كثير بيكم
ورزقى ذاد على ايديكم
وزان البيت بوجودكم
زهور والله راعيكم

بيسعدنى ويفرحنى
اشوف الفرحة فى عينيكم
يا بحر حنان وفى ايديكم
دواء وبلسم وحنية
ساعت ما ارجع وانا تعبان
وتنكبو على ايديا
تبوسو وتحضنو فيها
وتسألوا جبت ايه ليا
واخبى فى جيبى افراحكو
واعاند وياكم والعب
واشوف فيه ايه يفرحكم
واراهن مين فينا يكسب
ونلعب قد ما نلعب
شقاوت العنزة و الثعلب
ومن اللعبة انا اسحب
واعمل نفسى المهزوم
وتخدو كل ما معايا
وحتى اقلامى ودوايا
والقى الجيب صبح مخروم
وبفرح والهموم تنزاح
وبلقى الدنيا ديه براح
ويسعدنى ويفرحنى
اشوف الفرحة فى عينيكم
يا بحر حنان وفى ايديكم
دواء وبلسم وحنية
كرمنى الله كثير بيكم
بقلم محمد البلاط

خلاص مليت وفاض صبرى - بقلم محمد البلاط

( خلاص مليت )
=======
خلاص مليت وفاض صبرى
وقلبى معدش يتحمل
كلام الناس ولا الوسواس
وفى الرحمن بتأمل
وكافى عليا كافى كافى
حمول شيلها اكتافى
وبطلب الرضى من الله
وقلبى لله صافى
ومش خالص ولا بسلم
من المنان ولا الابكم
ولا جاهل اساس الشىء
وعامل فيها بيفهم
خلاص مليت وفاض صبرى
وقلبى معدش يتحمل
كبار القوم خلاص بركة
وصبينها بقو حكام
وقلت مننا البركة
وراعى الدين اخد اعدام
وجاهل الحياة شجرة
ثمارها للى صلى وصام
خلاص مليت وفاض صبرى
وقلبى معدش يتحمل
ومستنظر معاد قبرى
ويا ريته عليا ما يطول
ونبعد عن نفاق مخليق
بيجرى السم مجرى الريق
وعينهم تلقى فيها بريق
عن الشر ما يتحول
خلاص مليت وفاض صبرى
وقلبى معدش يتحمل

بقلم محمد البلاط

ايه الى باقى ليا تانى - بقلم محمد البلاط

( ايه اللى باقى ليا تانى )
==========
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك

كنت فكراك راح تصونى
وفى عينيك هلقى مكانى
ليه غدرت وغذب عنى
ليه بعدت عنى تانى
كنت فكراك باقى ليا
وكنت شيلاك فى عينيه
بعتنى وهجرت قلبى
وابتديت تانى بالقسية
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك
امرى سلمتوا لربى
هو اعلم بيا منك
اخلاصى قد ايه فى حبك
وقابلته انت بغدرك
هطوى قلبى على حزنى
يمكن يسلاك وينسى
والقى ليا فى بحر ظلمك
شط يمكن اقدر ارسى
ايه اللى باقى ليا تانى
بعد ما ضاع منى حبك
ومين فينا اللى كان انانى
وانا بعت ولا غدرك
بقلم محمد البلاط

مش هسأل على ودك تانى - بقلم محمد البلاط

( مش هسأل على ودك تانى )
==============
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية

مش هسأل على ودك تانى
ولا هطلب منك حنية
عمالة بصالح وبدادى
وكسرة الخاطر وفؤادى
حزنانة وعندك شىء عادى
وبرغم الدمع ما فى عينية
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية
راح اصبر قلبى واطبب فيه
والعقل عشانك راح الغيه
ولا انك يوم بأيدك ترميه
ولا اذله عشانك ولا اخليه
يتقل ويبقى ليك هفية
مش هسأل على ودك تانى
ولا هطلب منك حنية
انا ليه الحب ده خلانى
حسسنى انى عليك رمية
مش هسأل على ودك تانى
ولا هطلب منك حنية
بقلم محمد البلاط

بتحبنى ولا بيا بتتسلى - بقلم محمد البلاط

( بتحبنى ولا بيا بتتسلى )
=====
بتحبنى ولا
بيا بتتسلى
هى المحبة عيب
ولا فيها مذلة
بتحبنى ولا
بيا بتتسلى
قولي ايه الاحساس
اللى حداك يمى
يمكن يكون لى حماس
على حبك اسمى
وان كان تسالى
قلبى مهش خالى
واسأل عزالى
من غير ما تتجنى
بحبنى ولا
بتقضيها معايا
قلبى مهش خالى
فيه جروح كفاية
وعزولى من جرحى
بيواسينى فى حالى
وان كان حبك جد
هيطول معاك المد
انا عمرى ليك ما هصد
ودلوقتى منى الرد
هى المحبة عيب
ولا فيها مذلة
بتحبنى ولا
بيا بتتسلى
بقلم محمد البلاط

بقى عايز تبعد عنى - بقلم محمد البلاط

بقى عايز تبعد عنى
ومن عطفك راح تحرمنى
وتسيبنى لشوق يألمنى
طب مين غيرك يا حبيبى
اتعشم فيه يطمنى
هتبيع الود وحبى
وتفرح فى عزابى وغلبى
من بعد ما كنت بتعشق
سهرك ويايا وقربى
بقى عايز تبعد عنى
وتسيبنى لشوق يألمنى
طب مين غيرك يا حبيبى
اتعشم فيه يطمنى
مش كان العهد مبينا
بالود يا حبى تصنا
وتسامح واتسامح
لو حصلت غلطة مبينا
بالقسوة لقلبى ليه جارح
وبالهجر ليه تعزبنا
ونسيت عهودنا امبارح
ومن كلمة نويت تسيبنا
طب مين غيرك يا حبيبى
بالود هيفتح بيتنا
بالود هيفتح بيتنا

بقلم محمد البلاط

تحت المطر - بقلم محمد البلاط

( تحت المطر )
=====
تحت المطر لو فيه خطر
نقدر نطفى حبنا
وتلعب معى والعب معاك
واللى فى هوايا وفى هواك
هيكون لينا
تحت المطر لو فيه خطر
نقدر نطفى حبنا
والرعد بأيدنا نصنعه
ونصنعه
وما حد يقدر يمنعه
ولا يردعه
اصل اللى جوانا اتشطر
مع صوت حبات المطر
واتفجرت كل الحجات
وبقت ساعات وقت الخطر
تحت المطر تحت المطر
تحت المطر
بقلم محمد البلاط

مين غيرك قلبى اللى يحبه - بقلم محمد البلاط

( مين غيرك قلبى اللى يحبه )
============
مين غيرك قلبى اللى يحبه
مين غيرك قلبى اللى بيهواه
مين غيرك قلبى بيطاوعه
وان غاب عن عينى بيستناه
مين غيرك انت يا حبيبى
مين غيرك قلبى بيترجاه
لو كان على القسوة انا بتحمل
ومعاك مشوارنا راح نكمل
وان طال الهجر وبعادك
انا فى انك ترجع بتأمل
انا فى انك ترجع بتأمل
ما يهمك قالو ايه عزالى
ولا تسمع منهم عن حالى
فى الدنيا غيرك ما بقالى
وفضيلك القلب وخالى
وان وطى الموج او كان عالى
هسمع علشانك واتحمل
مين غيرك قلبى اللى يحبه
مين غيرك قلبى اللى بيهواه
مين غيرك قلبى بيطاوعه
وان غاب عن عينى بيستناه
وان طال الهجر وبعادك
انا فى انك ترجع بتأمل
انا فى انك ترجع بتأمل
بقلم محمد البلاط

منتظر منهم ايه لسه - بقلم محمد البلاط

منتظر منهم ايه لسه

بعد ما اتعلمت تقسى

ونسيت معنى المحبة

واتقلب حالك فى لحظة

وبقيت تعصى الاحبة

علموك تبيع حبايبك

علموك معنى القسية

ليه حنثت معايا عهدك

واتقلبت ليه عليا

هنسى انك قلب ليا

واعاملك بالقسية

وابعدك عن اللى تحبه

وفوق ده كله هسجنك

يا تعود من تانى ليا

يااخصمك واعزلك

منتظر منهم ايه لسه

بقلم محمد البلاط

شغلتو القلب وبعدتو - بقلم محمد البلاط

( شغلتو القلب وبعدتو )
=========
لا سهر الليل وصلنى
ولا العشق نجانى
ودرب الحب حيرنى
ومش قادر اعود تانى
شغلتو القلب وبعدتو
خصام وهجر وعاندتو
واحاول انى اصالحكو
بتهوا ليه هجرانى
طب اشكى لمين شغف قلبى
وشوقى وكتمانى فى حبى
وايه يفيد بحر الصبر
لو انصب على صبرى
لا سهر الليل وصلنى
ولا العشق نجانى
ودرب الحب حيرنى
ومش قادر اعود تانى
شغلتو القلب وبعدتو

بقلم محمد البلاط

( اتعودت بلاش تنسانا ) - بقلم محمد البلاط

( اتعودت بلاش تنسانا )
=========
اتعودت ان انتا تكون لى
قلبى وروحى وعقلى وكلى
ويزيد شوقى فى قربك ليا
ولما بتبعد ضايعة عنية

اتعودت يكون فى ودادك
ماية وذاد ودوا لعنادك
لما بتزعل او بتخاصم
او بيزيد الهجر بعادك
اتعودت عليك واطبع
طبعى بطبعك وبيه اتشبع
وقلبى فى يوم لو تبعد عنه
بيزيد حزنه وبيتوجع
اتعودت بلاش تنسانا
وانسى الهجر وعيش ويانا
ياللى المرة منك تحلى
وليك فى قلوبنا مكان جوانا
اتعودت بحضنك ادفى
ولو زعلانة بسرعة انا بصفى
ونظرة عينك بالحنية
بتروق ليا وبيها بستكفى
اتعودت بلاش تنسانا
وانسى الهجر وعيش ويانا
وبقولهالك بكل امانة
لما بتبعد ببقى انا خايفة
اتعودت بلاش تنسانا
اتعودت بلاش تنسانا
بقلم محمد البلاط