مش هشكى الهجر والحرمان - بقلم محمد البلاط

مش هشكى الهجر والحرمان
ولا اتألم على غيابك
ولو حبى عليك هان
مش هتسول على بابك
واعلم قلبى معنى الصبر
وادفن الحنين فى القبر
ولا يقولوا بنتظر للجبر
ولا هقبل يوم عتابك
هجرت بدون ما تتكلم
وسبت القلب يتألم
صبرت وقولت راح يندم
لكن طولت فى غيابك
ومية مرسال ارسلته
عشان يعرف ايه اعذارك
وزادت معى اوذارك
مش هشكى الهجر والحرمان
ولا اتألم على غيابك
ولو حبى عليك هان
مش هتسول على بابك
واعلم قلبى معنى الصبر
وادفن الحنين فى القبر
ولا يقولوا بنتظر للجبر
ولا هقبل يوم عتابك

بقلم محمد البلاط

متلموش مظلوم لدمعه - بقلم محمد البلاط

متلموش مظلوم لدمعه
متلموش
فى عز ليل انطفى شمعه
متلموش
ضاع شقاه وكل اللى جمعه
من قروش
متلموش مظلوم لدمعه
متلموش
واسئلو سهر الليالى
عن اللى قلبه بس خالى
تعرفوا ايه بيعانى
لو من الهم رتوش
متلموش مظلوم لدمعه
متلموش
فى عز ليل انطفى شمعه
متلموش
ضاع شقاه وكل اللى جمعه من قروش
متلموش مظلوم لدمعه

بقلم محمد البلاط

مين هيعطيك اللى عندى - بقلم محمد البلاط

مين هيعطيك اللى عندى
ومين عشانك سهل يفدى
ومين يحب الخير ليك
قد ما بحبك وحبى
جرب انت فى هواهم
وقد ما تمشى معاهم
مش هتكسب ود منهم
ولا حتى تنول رضاهم
وبكرة ترجعلى تدادى
طالب الصفح وودادى
وساعتها مش هتلقى
الا خصامى وعنادى
مين هيعطيك اللى عندى
ومين عشانك سهل يفدى
ومين يحب الخير ليك
قد ما بحبك وحبى
قد ما بحبك وحبى

بقلم محمد البلاط

قول للزمان ارجع يا زمان - بقلم محمد البلاط

قول للزمان ارجع يا زمان وعيد ودادنا من الأول

ونسينى كل الأحزان غدرك معايا كثير طول

يمكن هتلقى فى قلبى حنان لو القسية تنساها

وارجع الاقى تانى امان وطيبك يبقى معاها

لكن منين القاه القاه فى قلب مليان باللأوهام

وزهد المحبة كان له طعام ومن كسات الجحد سقاه

قول للزمان ارجع يا زمان وعيد ودادنا من الأول

ونسينى كل الأحزان غدرك معايا كثير طول

غدرك معايا كثير طول

بقلم محمد البلاط

لو هتفكر تهجر - بقلم محمد البلاط

لو هتفكر تهجر عشك انا مش هسلى ولا هنساك
وقبل ما تغدر بيا وتهجر منى نصيحة تخدها معاك
انا مش بايعة وهكون ضايعة ومهما هتبعد مش هنساك
وابعد قد ما تبعد ابعد ولو راح احايلك حتى وتعند
مهما تغيب انا هستناك مهما تغيب انا هستناك
ما انتا الحبيب انتا وانتا اللى انا عشقاه
معرفش من امتى بس اللى انا عرفاه
معرفش قلبى هواه الا معاك انتا
انتا الحبيب انتا وانتا اللى انا بهواه
ولو تفتكر تهجر مش هسلى ولا هنساك
مش هسلى ولا هنساك ما انتا الحبيب انتا
وانتا اللى انا بهواه انتا اللى انا بهواه
وابعد قد ما تبعد ابعد ولو راح احايلك حتى وتعند
مهما تغيب انا هستناك مهما تغيب انا هستناك

بقلم محمد لبلاط

بالصد والهجران يا حبيبى - بقلم محمد البلاط

بالصد والهجران يا حبيبى
بالصد والهجران
حبى عليك ليه هان يا حبيبى
حبى عليك ليه هان
ليه بعدت ونسيتنا
ونسيت مودتنا
ما كان طريق بيتنا
الجنة والبستان
ليه غيابك طول
وطريقك اتحول
للقسوة بعد حنان
بالصد والهجران يا حبيبى
بالصد والهجران
حبى عليك ليه هان يا حبيبى
حبى عليك ليه هان
عشمانة فى رجوعك
واعرف ايه موضوعك
وهسامحك ان كان
قلبك لغيرنا لان
وامسحلك دموعك
لو كان عليه هان
بالصد والهجران يا حبيبى
بالصد والهجران

بقلم محمد البلاط

عندى امل القاك يا حبيبى - بقلم محمد البلاط

عندى امل القاك
يا حبيبى
عندى امل القاك
وانا عمرى ما هنساك
يا حبيبى
انا عمرى ما هنساك
مهما يطول هجرك
هفضل انا احبك
وان كانت القسوة
دى شىء من طبعك
هصفح واستناك
عندى امل القاك
يا حبيب
عندى امل القاك
الهجر لو كان مر
هعتبره مندك در
واقطع طريق الشر
ولا يقولوا مخصماك
عندى امل القاك
يا حبيبى
عندى امل القاك
بقلم محمد البلاط

بيسألونى ايه السبب بيسألونى - بقلم محمد البلاط

بيسألونى ايه السبب بيسألونى
وايه كان سرالغضب بيسألونى
بيسألوا مستغربين
ايه اللى بينى وبينك وانت مين
بيسألوا ايه سر حزنى
وايه اللى منك ومن الحب نابنى
وايه اللى بيت دمعى فى عيونى
بيسألونى بيسألوا بيسألونى
حاولت ادارى واكتم فى قلبى
سر مرارى وسر غلبى
لكن يظهر بان فى عيونى
انى بحبك بحبك يا سبب جنونى
بيسألونى ايه السبب بيسألونى
وايه كان سرالغضب بيسألونى
بيسألونى بيسألوا بيسألونى
بقلم محمد البلاط

فين هنلقى الاصل فين - بقلم محمد البلاط

فين هنلقى الأصل فين
يوعدوك الناس وتحلف
وللوعود تحنس وتخلف
ويهربوا منك سنين
كنا فاكرينهم حبايب
كنا فاكرين طيبين
واللى فيهم عنا غايب
النهارده تشوفه عين
بالكلام دول خدعونا بالكلام
اشترينا ودول بعونا والسلام
كان عشمنا الخير فيهم
او يكونو ناس كرام
فين هنلقى الأصل فين
ويا ناس دول غدارين
يضحكولك وقت حاجة
ولما تحتاج مصروفين
هتدور تروس الليالى
ورحاية الزمن هتدور
ويذهدك اغلى غالى
ويجى عليك الدور
وتفتكر قصر عالى
كان بين اللقصور
فرطت فيه بتعالى
وتتحرم من النور

بقلم محمد البلاط

ايه اللى يفرق بينا ايه - بقلم محمد البلاط

ايه اللى يفرق بينا ايه دور انت طب عليه
يمكن فى قسوت عمايلك راح يدلك وتلقيه
قلبى جرحته بهجرك ورغم عمايلك وغدرك
قلبى لقلبك بيداديه ايه اللى يفرق بينا ايه
ايه اللى يفرق بينا ايه
بتعاتبنى على كلمة قولتهالك
قاصدة بيها انى اعدلك حالك
بتعايرنى وتلومنى وتقولى انتى مالك
مالى فى قلب جرحته وعقل بالفكر شغلته
وكلام صعب عليا بلسانك انت قولته
وبتعاتبنى على كلمة قولتهالك
ايه اللى يفرق بينا ايه دور انت طب عليه
يمكن فى قسوت عمايلك راح يدلك وتلقيه
قلبى جرحته بهجرك ورغم عمايلك وغدرك
قلبى لقلبك بيداديه قلبى لقلبك بيداديه

بقلم محمد البلاط

مين علمك تقسى - بقلم محمد البلاط

مين علمك تقسى
وكان قلبى ليك الشط والمرسى
مين علمك الغدر مين علمك الهجر
مين علمك الصد مين علمك البعد
مين علمك قلبى ينادى عليك
وميكنش منك رد
ضاع عمرى كله عليك وانا بدادى فيك
وفى لحظه ليه القيك غاوى معيا العند
مين علمك الصد مين علمك البعد
مين علمك تقسى
وكان قلبى ليك الشط والمرسى
مش هبيع ولا افرط ولا حتى هتشرط
لكن رجايا فيك اياك تتورط
تسمع كلام عزال وتميل وياهم
ويكفينى اللى اتقال وبحاول انساهم
وانا شاريه العشرة اللى بينى وبينك
وان كانت القسمة انكوى ببعادك
قلبى هيفضل شط ومرسى لرجوعك
مين علمك البعد مين علمك تقسى
وكان قلبى ليك الشط والمرسى
بقلم محمد البلاط

صدقتك ليه انا مش عارف - بقلم محمد البلاط

صدقتك ليه
انا مش عارف
وهترسى لايه 
والله انا خايف
بتعيد فى كلامك وتذيده
وبتاخد قلبى وبتعيده
ونتيجة حب انا مش شايف
وزرعت اليئس فى وريده
صدقتك ليه
انا مش عارف
مغرور بحلاوتك وجمالك
وشغلى العقل بخلخالك
اه منك لما بتدلل
وبيظهر على خدك خالك
انا قلبى صحيح متعلق بيك
ومعلق روحى فى احبالك
وبحاول ياما انى ارضيك
مش عايز ليه تغير حالك
صدقتك ليه
انا مش عارف
وراح اعمل ايه
والله انا خايف
بتعيد فى كلامك وتذيده
وبتاخد قلبى وبتعيده
ونتيجة حب انا مش شايف
وزرعت اليئس فى وريده
صدقتك ليه
انا مش عارف

بقلم محمد البلاط

فين راح اللقى حب تانى - بقلم محمد البلاط

بعد حبك فين راح اللقى حب تانى

ورغم صدك

صعب انى اكون انانى

وبعترفلك

ان رمشك كان جانى

وقلبى بيه مدبوح

وروحى

اللى باقيلها ثوانى

يا عبير روحى واسمك

فى طياته كل المعانى

كنت فاكر لان قلبك

وهكسب الود وحبك

ليه بصدك مجننانى

بزرع الورد ده لجلك

ليه بشوكه مشوكانى

علمينى ايه اكون بالنسبة ليكى

وليه بقرب تبعدينى

ولو هواكى هيوافق هوايا

صدقينى هسعدك وتسعدينى

ولو نفور منك راح ابعد

بس فى حلمك سبينى

بعد حبك

فين راح اللقى حب تانى

فين راح اللقى حب تانى

بقلم محمد البلاط

مش هقبل الاعذار - بقلم محمد البلاط

بعد الجفا والصد
مستنى منى الرد
ما خلاص قطعت الود
وبقى اللى بينا كان

مش هقبل الاعذار
ولا هفتش الاسرار
سار اللى بينا سار
ومعدش فيه مجال
لجدال ولا للشد
الماضى كان لينا
وصنعينه بأيدينا
وكانت امانينا
لبسة طوق من الورد
طب كنت ليه قاسى
وقتلت احساسى
بالهجر ويا الصد
وجاى تعيد الود
بعد الجفا والصد
ومستنى منى الرد
وبقى اللى بينا كان
مش هقبل الاعذار
ولا هفتش الاسرار
سار اللى بينا سار
ومعدش فيه مجال
لجدال ولا للشد
مش هقبل الاعذار
مش هقبل الاعذار
بقلم محمد البلاط

علمنا العشق ده علمنا - بقلم محمد البلاط

علمنا العشق ده علمنا
وبيهرب منا ويتهرب
وحلفنا يمين لو يوم صومنا
تانى منه عمرنا ما نقرب
وكفاية علينا جراح تانى
ولا افكر فى نسيتوه ونسانى
ولا يحزن قلبى انه اتغرب
علمنا العشق ده علمنا
وبيهرب منا ويتهرب
من بعد ما حرك مشاعرنا
وبنبض القلب بيه شعرنا
وبقى للحب ده شعارنا
اذاى ينسانا
يهجرنا وينسى محبتنا
من بعد عرفوا حكايتنا
واتمنو كثير يبقو مكانا
والناس حسدانا
علمنا العشق ده علمنا
وبيهرب منا ويتهرب
وحلفنا يمين لو يوم صومنا
تانى منه عمرنا ما نقرب

محمد البلاط

بدمع العين بصون نفسى - بقلم محمد البلاط

بدمع العين بصون نفسى
من الشكوى ومن الحرمان
وادارى فى نفسى اليئس
عشان جرحى للعزول ما يبان
جرحت فى الهوى قلبى
ودواه فى ايديك وليه سجان
وكنت ونيسى فى الغربة
وشوقك من عنيك بيبان
وهجرك لقلبى فيه كربة
وحسسنى بكثير حرمان
سهرة الليل اتئلم
واواسى فى نفسى واتندم
وقلبى للوجع سلم
وللغربة ده حن ولان
بدمع العين بصون نفسى
من الشكوى ومن الحرمان
وادارى فى نفسى اليئس
عشان جرحى للعزول ما يبان
عشان جرحى للعزول ما يبان
بقلم محمد البلاط

فين الهوى راح فين - بقلم محمد البلاط

فين الهوى راح فين وفين ايامك
لما عينيك الاثنين كانو على احلامك
وكنت حلمك انا وانا اللى بحلالك
فين الهوى راح فين وفين ايامك
نسيتنا وفوتنا واحنا بنستنى
مرسال يجينا بهنا او شىء يطمنا
اتارى بعادك جنى على اللى باقى منا
فين الهوى راح فين وفين ايامك
عشمتنى وفرحتنى انك معاى باقى
ولا يوم تفكر تسيبنى ولا تقدر على فراقى
فين الوعود دى فين وفين غرامك
ودمعى مالى العين ووقفة على بابك
متعشمة بالرد او القى منكم حد
اشكيلو هجرانك
فين الهوى راح فين وفين ايامك

بقلم محمد البلاط

( زمن الصعب وزمن الخسة ) - بقلم محمد البلاط

( زمن الصعب وزمن الخسة )
===============
ياما سمحت كثير يا قلبى
وياما كثير من الناس ظلموك
وقولت احافظ علشان حبى
وبأيدهم بالرخص بعوك
ليه بتسنى وايه مستنى
ما اللى ظلمنى خلاص ظلمنى
وكنت امين وبرده خنوك
زمن الصعب وزمن الخسة
ولسة ولسة يا زمن لسة
لسة الحرب ولسة الكرب
ولسة الناس هتبيع حلبسة
لسة ولسة يا زمن لسة
لسة فيه مسلم يقتل مسلم
ولسة اصول كثير يدهسها
ولسة الناس هتبيع الغالى
وتدور على نومة فى عشة
ولسة ولسة يا زمن لسة
طول ما ودان الناس مربوطة
على فكرة وبحبال مشدودة
وعقولهم ملفوفة بفوطة
اعرف ان الجهل جليسها
وابعد عنهم شوفلك اوده
وايامك الباقية دى عيشها
ليه بتسنى وايه مستنى
ما اللى ظلمنى خلاص ظلمنى
زمن الصعب وزمن الخسة
لسة ولسة يا زمن لسة

محمد البلاط