عز اللقى بينا - بقلم محمد البلاط

عز اللقى بينا واتغير حالنا بكى القمر بلليل من بعد ما استنى

طال انتظاره لهمس كان بيه يتونس بين العيون ورمش وبالحب متغمس

وحنان كان دافى لحبنا الصافى وكان دوا شافى من الالم واليائس

عز اللقى بينا واتغير حالنا بكى القمر بلليل من بعد ما استنى

محمد البلاط

خلينى احبك واعذرنى - بقلم محمد البلاط

خلينى احبك واعذرنى
وبلاش تعاتب وتلومنى
مش بعد ما عودتلى قلبى
على حبك عايز تهجربى

ما غرامك اصبح ادمانى
ومش هسمح ليك يوم تنسانى
ولا تبعد عنى ولا ابعد
ولا حد هياخد مكانى

واعذرنى على غيرتى وحبى
مش انت الى معود قلبى
طب عايز ليه تنسانى
وتكون الجانى وانطاعلك

خلينى احبك واعذرنى
وبلاش تعاتب وتلومنى
مش بعد ما عودتلى قلبى
على حبك عايز تهجربى

بقلم محمد البلاط

tagإشارة إلى صورةpinإضافة موقع

تعرف معنى الحب حقيقى - بقلم محمد البلاط

تعرف معنى الحب حقيقى
ولاه كلام بتردد فيه
منه يا صحبى انا نشف ريقى
وياما حايلت كثير انا فيه
قولت وعدة لحد ما بعت
دوا للعاشق واللى بليه
كنت طبيب وعشاق بتجينى
الحزنان والولهان
واللى كأن فى قلبه الجرح
مشقوق شق بالسكين
ووصفتى ليك علشان متتهش
وتبقى فى سجن الحب البرش
اقفل بابه ومتدخلش
واعمل نفسك بيه عيان
واكتب ذى ما تكتب فيه
واوصف ياما وقول عليه
واوعى تمد ايدك لأيديه
لتعيش عمرك بيه سكران
واعرف معنى الحب حقيقى
ان كان خير اهو خير لصحابه
ولو فيه شر لا تقرب ليه
بقلم محمد البلاط

خد معاك الجرح وابعد - بقلم محمد البلاط

خد معاك الجرح وابعد
وانسى كل الذكريات
ليه معايا غاوى تعند
قلبى سواه اللى فات
منك اتحملت ياما
هجر وعتاب وملامة
وجاى تانى تعيد وتعتب
والامل منى بتسلب
خد معاك الجرح
وابعد وانسى كل الذكريات
وعمرى تانى تانى مغضب
ولا هندم على اللى فات
منك اتحملت ياما
هجر وعتاب وملامة
وكان ردى السكات
خد معاك الجرح وابعد

بقلم محمد البلاط

منتظر من قلبى ايه - بقلم محمد البلاط

( منتظر من قلبى ايه )
===========
منتظر من قلبى ايه
بعد كل اللى ادهولك
وجنيت بأيديك عليه
ونسيت ما قدمولك
كان حنان وخدك فى حضنه
كان امان وانت اللى عارفه
والنهارده بيبدى اسفه
على عمر قدمولك
منتظر من قلبى ايه
منتظر من قلبى ايه
بعد كل اللى ادهولك
جرح وجرحت فيه
واشتكيت منه وعليه
ادعيت انه يخونك
جرب البعد وابعد
وبكيفك ابقى اعند
وانسى اللى كان بينا
وانسى حتى كل موعد
وابقى شوف اللى هيجرى
ومين ليك اللى هيسند

بقلم محمد البلاط

احى ضميرك لو ليوم - بقلم محمد البلاط

( احى ضميرك لو ليوم )
===========
كل الأمانى ممكنة
لو فيه عزيمة عندنا
وبأيدنا نعمل خير كثير
لو كانت قلوبنا حنينة

فيها ايه لو تصفى القلوب
ونخف عنا الذنوب
بخطوة تسبق القدر
ولله نصفى ونتوب
كل الأمانى ممكنة
لو كان امالنا فى اللى جاى
ولله نسلم امرنا
نلقى طريقنا كله ضى
والفانى فانى ملوش لزوم
والباقى ليك انك تصوم
والعبرة تبقى بالعمل
مش بالنفاق وشكل الهدوم
عن النميمة والأذه
وبلاش شغل المألسة
وللرسول فيه مدرسة
و بحرعلم فيه عوم
تنجى وتوصل للهدف
وانسى حكاوى السخف
واجمل وصية تتوصف
من الله لازم تتكسف
واحى ضميرك لو ليوم
تلقى الأمانى ممكنة
بقلم محمد البلاط

بتفكر فيا وافكر فيك - بقلم محمد البلاط

بتفكر فيا وافكر فيك
ودليلى على القول اللهفة
وبحاول انى انى ارضيك
واتمنى اتحصل على وصفة
تربط احلامى بأحلامك
وتحل عقدة فى لسانك
وتقولها صراحة انى بحبك
ومليش علاج فى مستشفى
وفى بعدك بيجن جنانى
وبحس انى المجنى عليه
وانت بأفعالك الجانى
وبتفكر فيا وافكر فيك
ودليلى على القول اللهفة

بقلم محمد البلاط

صبرت كثير على غدرك - بقلم محمد البلاط

صبرت كثير على غدرك وبلتمسلك الأعذار
وطال الهجر وبعدك وقلبى على جمر النار
مفكرتش تواسينى ولا بكلمة تراضينى
ولا تجفف دموع عينى و سقينى بالكاسات مرار
حبست الحزن فى قلبى وطال عليا الليل
وكل ما اشوفك اخبى وامسح دمعى من عينى
ولو تسأل ليه سرحانة بقول شوية تعبانة
واخاف عليك تتألم ما انا فى رضاك عشمانة
وطال الهجر وبعدك وقلبى على جمر النار
صبرت كثير على غدرك وبلتمسلك الأعذار
حبست الحزن فى قلبى وطال الليل عليا طال
وطال الليل عليا طال
بقلم محمد البلاط

ملناش فى السياسة ولا بنقرب لها - بقلم محمد البلاط

ملناش فى السياسة
ولا راح ولا جيه منين
ولا بنحب النجاسة
ولا شغل النصابين
ملناش دعوى بيها
ولا عمرى بحبها
وان جت لحد بابى
يا صحبى بصدها
لكن الناس جهلة
فكرانى بعزها
فاكرينها لعبة سهلة
راح اقرب منها
شغل السياسة صنعة
فى الضحك على العقول
تسمع فيها الف مرعى
تبن وبرسيم وفول
وكثير فيها بيرعى
منغير منغير عقول
بقرون طويلة طلعة
على روس حبة عجول
ملناش دعوى بيها
ولا بنقرب لها
الله اللى بليها
وطير عقلها
ملناش فى السياسة
ولا بنقرب لها
ولا بنقرب لها
بقلم محمد البلاط

متصحيش الجرح فى قلبى - بقلم محمد البلاط

متصحيش الجرح فى قلبى
وتعتب تانى عليا وتلونى
ياما حاولت كثير اسلاك
لكن شوقى ده غذب عنى
طالب منى اذاى انساك
وانا بهواك وهواك فى دمى
تبعد عنى تروح هناك
وشوقى جوايا قاعد مستنى
صبر قلبى بكلمة اه
لما اقولك راجع تانى
قلبى فى غيبتك نار جواه
وغيب براحتك وما تنسانى
بس اياك تقول اسلاك
او انساك ولا تنسانى
ومتصحيش الجرح فى قلبى
وتعتب تانى عليا وتلونى
وتعتب تانى عليا وتلونى

بقلم محمد البلاط

بكلم نفسى عن نفسى - بقلم محمد البلاط

بكلم نفسى عن نفسى
وبسألها ليه ميلالك
واعاتب نفسى عن يأسى
وليه بيألمها هجرانك
وليه الصبر اصبح مر
ما طول العمر صبرالك
وخايفة من العتاب واللوم
ليتغير معاى حالك
وائنبها وحاول انى ائدبها
جايز يصلح فى يوم حالك
وبكلم نفسى عن نفسى
وبسألها ليه ميلالك
لا بتطيقى البعاد عنه
ورغم عناده صبرالك
وتنسى الأسى منك
وتصفح كل زلاتك
ودلوقتى بتتمرد
وعايزه تقطع وصالك
واعاتبها بتتشرط
تعود وتنسى خصامك
وخايفة من العتاب واللوم
ليتغير معاى حالك
بكلم نفسى عن نفسى
وليه بيألمها هجرانك
وليه الصبر اصبح مر
ما طول العمر صبرالك
ما طول العمر صبرالك

بقلم محمد البلاط

بيسألنى كثير عنك - بقلم محمد البلاط

بيسألنى كثير عنك
وليه انا بيك هيمانة
وليه بحب احبابك
وليه دايما على بابك
عينى الليل سهرانة
وطبعك علم فى طبعى
وصورك عندى متصانة
وقربك زادى وشبعى
وبعدك ببقى تعبانة
بيسألنى كثير عنك
بيسعدنى السؤال عنك
وببدى ليهم اسبابى
وليه قلبى بيحبك
وسر سر اعجابى
واخاف منهم عليك منك
لتشغلهم وتسحرهم
ومنى تضيع فى بحورهم
واضيع منك بكلامهم
واندم انى قولتلهم
ليه بحبك وليه انا بيك هيمانة
وليه بحب احبابك
وليه دايما على بابك
عينى الليل سهرانة
بيسألنى كثير عنك
وليه انا بيك هيمانة

بقلم محمد البلاط

مفكرتش تكون انسان - بقلم محمد البلاط

مفكرتش تكون انسان
وتعرف معنى الرحمة
ومين يتصان ومين يتهان
ومين يتعامل بحسنة
وساقك الغرور لمكان
وكانت صحبتك طغمة
لا تعرف للأصول عنوان
ولا من الأدب حفنة
مفكرتش وماشى بجهل
مفرقتش غريب من اهل
وضاع معاك كل امان
وحبك للمال السهل
وبايع دنيتك والدين
وحق الخلق والمسكين
وارض مهرها كان دم
وفيها اندفن ملاين
مفكرتش ولا بتهتم
مفكرتش تكون انسان
وتعرف معنى الأوطان
وايه يتباع وايه يتصان
وكنت اول من خان
تراب ارضه وباع عرضه
وتوهنا فى ملته ودينه
وايه فى الكتب فرضه
وليك دين ما سمعينه
يحل حرام ويحلل
ولو مزنوق بيهلل
وفاكر قوته وشانه
لقدر الله هيعطل
وسايقه الغرور لمكان
ومعتقد الحرام اسهل
وبعت اللى واجب يتصان
ومكر الله ما بيمهل
ومكر الله ما بيمهل
بقلم محمد البلاط

بقول للناس انا نسيتك - بقلم محمد البلاط

بقول للناس انا نسيتك
-----------------
رسايلك ليه بخبيها ؟؟؟ واقول للناس انا نسيتك
واسهر ليلى معها واتذكر حوادينك
برغم البعد وخصامنا لكن فى القلب حطيتك
يا قاسى وناسى احلامنا لحد البيت انا جيتك
نسيت الملح والعشرة وبعت وانا شرياك
رسايلك ليه بخبيها ؟؟؟ واقول للناس انا نسيتك
وحلم العمر ده فيها وبتذكر مواعيدك
يبات الدمع فى عينيه وبشكى لفرشتى منك
سعات الحب ناسيها ؟؟؟ فى اخر العمر ليه جحدك
فى قلبى دفنت ظنونى وناس فى الحب لامونى
و يترجاك مرسالى ورغم قلبه الخالى
بكى بالدمع علشانى وقلبك من الحنين خالى
و رغم الدمع ما غالى ونار الهجر كويانى
دفنت جوايا ظنونى واذكر قلبى بعهدك
واقول للناس انا نسيتك واقول للناس انا نسيتك

بقلم محمد البلاط

صورتى فى شغلى - بقلم محمد البلاط

صورتى فى شغلى وانا شقيان
لأنا بتمظهر ولا بلبان
ولا فكرت انا اعمل ريس
ولا حبيت اعمل سلطان
ولا بتكلم على اللى مليش
ولا سمسرة ولا بقشيش
طالب منه الستر واعيش
واللى يكون ويايا قريب
يلقى فى قلبى البحر الطيب
عمرى مكون وياه جبان
لكن هعمل ايه لشيطان
فى عصر السفه بقالو مكان
وبيتشمر وبيتقمر واذعر
وبينفخ فى الريش
عصر السفه عملو مكان
خلاه الكلب صبح سلطان
عايز يعلى عليا ويبان
وفى التسعيرة سعره مفيش

محمد البلاط

انا عند الساقية وبستنى - بقلم محمد البلاط

انا عند الساقية وبستنى
تهلى يا خضرة وبتمنى
من الجرة انا اشرب مرة
وبنظرة عينك اتهنى
خلخالك بيهز كيانى
وفى خالك انا ليا امانى
على خدك مرسوم ربانى
مستنظر انا فى الايالة
والقلب دقاته شغالة
تتقلب من حالة لحالة
والعقل فيكى بيفكر
هتهل بالجرة بدرى
ولا هتنسانا وتتأخر
انا عند الساقية وبستنظر
تهلى يا خضرة وبتمنى
بقلم محمد البلاط

هتكبر يوم يا ولدى وتعرف الحقيقة فين - بقلم محمد البلاط

هتكبر يوم يا ولدى
وتعرف الحقيقة فين
وتعرف مين باع بلدى
ومين عليها كان مهموم
وتعرف ليه طال سجنى
وتعرف ان ابوك مظلوم
وان الحق لو ابرة
فى كوم من ظلم ليه عبرة
لكن تلذمك خبرة
وصلى وصوم
هتكبر يوم يا ولدى
وتعرف الحقيقة فين
وتعرف روما وطريقها
وكل الطرق سيبها
ما بتوصل ولا تحصل
وتوهة داخل دروبها
وتعرف فى سحابة الصيف
يفيدك ظلها كافى
ولو مرت مرور الضيف
بيبقى اللون فيها صافى
وهتوصل للى تتمناه
لكن بالجهد واكتافى
وللجاهل ما تستناه
ولو معاه دوا شافى
وتعرف ان مشاكلك
مع الوقت ومرور سنك
لا هتزيدك ولا تقلك
لكن منها اتعلم
واعرف ايه احسنلك
هتكبر يوم يا ولدى
وتعرف الحقيقة فين
وتعرف الحقيقة فين
بقلم محمد البلاط

بنندم على اللى فات منا - بقلم محمد البلاط

بنندم على اللى فات منا
وشىء بأيدنا ضيعناه
وكلب الهول قدرناه
وسبع الحته ده بعناه
بنندم على اللى فات منا
وشىء بأيدنا ضيعناه
حلمنا اننا هنكون
وبالفنكوش عشمنا
وحلف ميت يمين هيصون
وعمره فى يوم ما هيخونا
ولا هيكون فى يوم مجنون
امنا ليه وسلمنا
وباع الماضى والحاضر
وضيع كل اثارنا
وعامل نفسه الشاطر
وبيحاول يجوعنا
ولسه برضو بيخاطر
وبيقطعنا ويبعنا
وزارع جوانا الاوجاع
وناسى الديب يوم ان جاع
ساعتها اذاى بيحاصر
بقلم محمد البلاط

( مخلينى ورايح فين ) - بقلم محمد البلاط

( مخلينى ورايح فين )
==========
مخلينى ورايح فين مخلينى ورايح فين
يا نور قلبى ونن العين
وانا من غيرك ايه هبقى
غيرسابقة مع المسجين
هتطفى بأيدك شموعى وتبقى الجابى لدموعى
وتكسر قلب عاش قى هواك
وتحبس شوقى فى ضلوعى
راح استناك راح استناك ولو هتغيب عمر هناك
لكن قلبى هيتألم
وابوح بشوقى واتكلم
وان طولت فى غيابك امانة بمرسال تسلم
واعرف ان احبابك
من بعادك بتتألم
بنار البعد والهجران وكثر ظنون كثير الوان
بتزرع جواهم احزان
على غيابك
مخلينى ورايح فين مخلينى ورايح فين
يا نور قلبى ونن العين
بقلم محمد البلاط

لا بيدوم الفرح على طول ولا فيه حزن بيطول - بقلم محمد البلاط

لا بيدوم الفرح على طول
ولا فيه حزن بيطول
وبالصبر الرضى هتنول
من الله الخير و تتمول
وارمى الحمل على الله
ولو تقع قول اسم الله
بحبة حزن فى حياتك
تحس بالفرح ان جاك
وان بعد وان سابك
راح تحس بفراغ جواك
وخليك ويا ايامك
داير دوار
بحبة حلو ان جالك
وحبة مرا
لا بيدوم الفرح على طول
ولا فيه حزن بيطول
وبالصبر الرضى هتنول
من الله الخير و تتمول
ولو من العين هطل امطار
واسود معاك نهار
بحبة صبر تطلع شمس
وتلقى الوحل فيها غار
لا بيدوم الفرح على طول
ولا فيه حزن بيطول
واوعى فى يوم تكون مسؤل
عن اليائس وتتحول
وبالصبر الرضى هتنول
من الله الخير و تتمول
من الله الخير و تتمول
بقلم محمد البلاط

اللى بقيلى قليل من عمرى - بقلم محمد البلاط

اللى بقيلى قليل من عمرى
============
دور يا زمان ولف ايامك واروى شراقى قلوب بحنانك
نهر الصبر ده جف بصبرى واللى بقيلى قليل من عمرى
ارحم عمرى وحانية ظهرى ومرة صالحنا بعد خصامك
دور يا زمان ولف ايامك واروى شراقى قلوب بحنانك
كنا زمان راضين بقليلنا وكانت اللقمة كل امالنا
وكان الحب مدفى قلوبنا وبنقسمها ويا جرانا
ليه معرفش اتغير حالنا وبقت النار اقرب من الجنة
واتباع غالى بسعر رخيص وتاهة السكة وضاع امالنا
واللى باقيلنا حيص وبيص وحسبة اتحسبت بالتلبيص
دور يا زمان ولف ايامك واروى شراقى قلوب بحنانك
نهر الصبر ده جف بصبرى واللى بقيلى قليل من عمرى

بقلم محمد البلاط

مش محسوب الضايع منى - بقلم محمد البلاط

مش محسوب الضايع منى
مش محسوب
ده انا يكفينى حزنى والمى
وبعدك عنى

ومفيش يوم مرسال كلمنى
ولا طمنى طيف المحبوب
مش محسوب الضايع منى
مش محسوب
هصبر ايوه انا هصبر تانى
وميملكش عزول لمكانى
وان سألونى عن اخبارك
هكذب اقول امبارح جانى
ورغم الغيبة وبعدك عنى
ورغم سنين بتضيع من عمرى
مش محسوب الضايع منى
مش محسوب
كنت زمان بحسب ايامى
وبقيد شمع فى عيد ميلادى
وبعد ما شوفت معاك احلامى
صبح الوقت ده شىء مش عادى
قربك منى بيطمنى
وهو الماء وهو الذاد
ولم بتبعد بيضيع منى
وبيتلخبط كل فؤادى
يبقى اذاى هحسب ايام
وعين سهرانة وما بتنام
وقلب شغلته وبعيد عنه
وفى محرابك صلى وصام
مش محسوب الضايع منى
مش محسوب
بقلم محمد البلاط

صدر القرار عايزين نصدر منها لو مية حمار - بقلم محمد البلاط

صدر القرار

-----------

بعد العقول ما اتفتحت وضربنا نار

بعد البلد ما اتمرجحت ببخور فى ظار

اللى نقصها من البطل يصدر قرار

الشمس تطلع فى السما وتبان نجومها بالنهار

ونقول يا مصر افرحى طلع النهار

طلع النهار واتنظفت وبقت عمار

طلع النهار والذل منها راح وغار

بس اللى باقى وليه كثير بننتظر

يصدر قرار يحيا اللى رافع شأنها

يحيا اللى رجع مجدها يحيا اللى فاهم سرها

ومن كثر ما بيعزها اخد القرار

عايزين نعيد تانى مجدها وقيود عليها نحلها

ناوين نصدر منها فى الشهر قيمة مية حمار

صدر القرار

بقلم محمد البلاط

يوم الوداع - بقلم محمد البلاط

يوم الوداع
فيه ضاع الغالى منينا
وصبرنا وصبرنا
بتواسيه عنينا
وتصب فى دمعها
على اللى جرى لينا
كان ذنبى ايه
ليه يضيع منى
اللى كان الروح والنن
ليه العزول فرق بينا
وليه يا ناس بس ظلمنى
انا كنت ليه الذاد والجاه
بالسهل ليه كده باع ونساه
وساعة غضب قرب منى
حلف يمين بالله وسماه
لا الزمه ولا يلزمنى
وبنظرة منه ودعنى
انا بفتكرها بتوجعنى
صعبان عليه انه اتهور
ومن ساعتها بيدور
وعايز يا ناس يرجعنى
ومبين قلبى وتفكيرى
تايهة بخلق تبريرى
وكل ما اوصل لقرار
العقل تانى يدور
ويفتكر ليه معدلش
قبل ما يغضب ويمشى
وظلمنى باللى محصلشى
وبأيده للزرع ده بور
انا كنت ليه الذاد والجاه
بالسهل ليه كده باع ونساه
وساعة غضب قرب منى
حلف يمين بالله وسماه
لا الزمه ولا يلزمنى

بقلم محمد البلاط

قبل جنيه البلاستك اتصرف فى الورق - بقلم محمد البلاط

( قبل جنيه البلاستيك )
========
قبل جنيه البلاستيك اتصرف فى الورق
يا تجيب فردة غويشة يا تجيبلك بيه حلق
وبلاش تانى تأستك للأستك يتحرق
جايلك جنيه بلاستك الريس ليه خلق
مقصود لم الفلوس ليأكلها دود وسوس
ويعرف ايه معاك ومخبى فى النفوس
والبون من تانى راجع وهنرجع للمواجع
وناكل عيش راجع من اكبر ناس وروس
ما هى عزبة اصحابها جاعت وباعت اللى باعت
مش باقى غير جيوبنا وطلبة انك تساعد
تساعد وهتدفع ثمن طلقة لمدفع
هتكون ليك رحمة وتموت بيها اسرع
ما هى عزبة اصحابها جاعت وباعت اللى باعت
والناس فى الفكر ضاعت منين تجيب وتدفع
منين تجيب وتدفع

بقلم محمد البلاط

لفين راح اروح وفين اهرب - بقلم محمد البلاط

لفين راح اروح وفين اهرب وشمس الحب بتغرب
وشوقى للحبيب دباح داوينى يا اللى مجرب
وضمضلى بوصفه جراح نسانى ولاه بيهرب
هجرنى وسبنى ليه و وراح وشوقى والامل تايه

فى تفكيرى بقيت سواح وعقللى لقلبى بيساير
وجوايا سكن النوح صبح الفكر فيه حاير
لفين راح اروح وفين اهرب
بقلم محمد البلاط

بعد عزابى معاك فيه ايه - بقلم محمد البلاط

بعد عزابى معاك فيه ايه
غير الصمت وبوحى اداريه
ايه اللى جابرنى عليك واتحمل
وليه الصبر اتعزب بيه
انت ظلمنى بشكك فيا
وانت الجانى ومجنى عليا
وقولت انا اصبر يمكن تقدر
تعرف ايه معنى الحنية
كنت بحبك وبتأمل
يجى اليوم اللى افرح فيه
لكن غدرك ويايا طول
ومفيش عندى علاج اداويه
ليه بتهوانى ليه بتهوانى
مش بتقول مظلوم وانا جانى
والله احترت كثير فى عمايلك
ومنك بكرة يجن جنانى
بعد عزابى معاك فيه ايه
غير الصمت وبوحى اداريه
بقلم محمد البلاط

لما الحب نده على قلبى - بقلم محمد البلاط

لما الحب نده على قلبى
قولت اجرب اعيش وياه
اتغيرت وغير دربى
وليلى نهارى انا بتمناه

وان غاب عنى فى لحظة وسبنى
دمع العين بيترجاه
وقلبى بنبضه بيأنبنى
ليه سيبتيه ما تجرى وراه
واندم انى عرفته وخادنى
واسهر ليلى على ذكراه
امتى تانى فى يوم يرجعلى
واوضع حل نهائى معاه
لما الحب نده على قلبى
قولت اجرب اعيش وياه
بقلم محمد البلاط

ابو منشار - بقلم محمد البلاط

ابو منشار
=====
ابو منشار محتار بجريمته
وفى حضراتنا بيمسح خيبته
دم الناس من ايده بينقط
وجاى بهطله يخلينا فوطته
ابو منشار مش انسان عاقل
وميزان عقله لصهيون مايل
طب على ايه جاى بيتمايل
وطالب منا نحسن سيرته
ابو منشار ليه عامل ناصح
وفى عملية اتكشفت خيبته
كل حياته عار وفضايح
ظالم اهله وناسه وعائلته
ابو منشار هيلف ويتعب
واخر اللف ملوش فيه مهرب
المظلوم يتردله حقه
وهو لحبل العدل هيركب
ابو منشار
بقلم محمد البلاط

نحبك وروحى بأيدك - بقلم محمد البلاط

نحبك وروحى بأيدك
ومهما يقولو بريدك
وشمسى والقمر انت
وليل ونهار بغنيبك

ومهما يقولو عزالنا
هتفضل انت الجنة
ولو هتغيب هستنى
دوايا فى وصالك وايديك
نحبك وتزيد اللهفة
وقربك بيه ما استكفى
ولو هيقولو مية وصفة
ما هستغنى انا عنك
فى قربك جنتى وروحى
هيامها بيك وبوحى
مهش غير ليك ووضوحى
فى وصف الشوق ليك انت
نحبك وروحى بأيدك
ومهما يقولو بريدك
وشمسى والقمر انت
وليل ونهار بغنيبك
بقلم محمد البلاط

قد ايه محتاج لصبرى - بقلم محمد البلاط

قد ايه محتاج لصبرى
لجل ما تحن وترضى
طب منين اجيب لعمرى
عمر يتحمل مناهده

قولى امتى امتى تهدى
قولى امتى امتى ترضى
ليه بتعند ليه معيا
قولى ليه ولحد امتى
وامتى هتجيك عناية
وامتى اعصابك هتهدى
ولو عايزنى ابعد ابعد
وبرضايا ومش راح اعند
واهدى حبة
ده احنا كنا فى يوم احبة
وهبطل المعاتبة
وبطل انت العناد
بطل انت العناد
بقلم محمد البلاط