باقى ايه تانى يا زمانى - بقلم محمد البلاط

باقى ايه راح تخده منى
باقى ايه تانى يا زمانى
بعد ما خيبت ظنى
وعمرى ضاع ويا الأمانى

اللى باقى حزن فى قلبى
ودمع عين بيواسينى
واللى كانوا فى يوم حبيبى
سعر طلتهم ده غالى
باقى ايه راح تخده منى
باقى ايه تانى يا زمانى
ولو فى همى هتشاركنى
هنسى انك كنت جانى
واندم بكلمة يا ريتنى
كان فيه حسن فى اختيارى
وارمى لومى على نفسى
وعلى همى كنت ادارى
باقى ايه راح تخده تانى
وليه مستكثر ثوانى
بعد ما خيبت ظنى
وعمرى ضاع ويا الأمانى
باقى ايه راح تخده منى
باقى ايه تانى يا زمانى
بقلم محمد البلاط

مراسيل الحب بتتشكه - بقلم محمد البلاط

( مراسيل الحب بتتشكه )
============
مراسيل الحب بتتشكه وبتبكى من اهمالك ليا
ليه مفيش لقلبك فيه سكة ولا عارفة اطولك بإيديا
على قلبى انا بضغط واتكه واصبر فيه شوية شوية
يمكن فى يوم يلين قلبك ويجود عليا بحنية
مراسيل الحب بتتشكه وبتبكى من اهمالك ليا
ليه مفيش لقلبك فيه سكة ولا عارفة اطولك بإيديا
بتعدى عليا وما تسلم وانا من الشباك وقفة اطلع
حالف ويايا ما تتكلم وان قولت اتفضل تتمنع
كام مرة اشيع مرسالى بهوايا ويحكيلك حالى
لا ترد عليه ولا تعبر ولا حتى تطل من العالى
مراسيل الحب بتتشكه وبتبكى من اهمالك ليا
ليه مفيش لقلبك فيه سكة ولا عارفة اطولك بإيديا
على قلبى انا بضغط واتكه واصبر فيه شوية شوية
يمكن فى يوم يلين قلبك ويجود عليا بحنية
مراسيل الحب بتتشكه
بقلم محمد البلاط

علشان متتعبليش قلبى - بقلم محمد البلاط

علشان متتعبليش قلبى
ولا تشعل النار جوايا
ولا يوم تقول ده كان ذنبى
ولا تخترع اى حكاية
ابعد بحبك ده عنى
تكفى الهموم اللى معايا
وان كان هواك شىء وفى دمى
والنبض هتكونله نهاية
انا راضية بس ابعد عنى
علشان متتعبليش قلبى
ولا تشعل النار جوايا
كثير بتقسى وبسامح
واقرب معاد كان امبارح
قولت كلام وكلام جارح
قطع فى قلبى وحشايا
جاى النهاردة تصالحنى
وجميلة منك تسامحنى
عجيب امرك تجرحنى
وتقول خلاص انا مسامح
علشان متتعبليش قلبى
ولا تشعل النار جوايا
ولا يوم تقول ده كان ذنبى
ولا تخترع اى حكاية
ابعد بحبك ده عنى
تكفى الهموم اللى معايا

بقلم محمد البلاط

بيقولوا بتوع زمان الناس كانو طيبين - بقلم محمد البلاط

بيقولوا بتوع زمان الناس كانو طيبين
سده القسوة الببان هنجب حنان منين
سمعنا كثيرعنهم وتاريخهم كان دليلهم
وبتشهد جمايلهم الارض و الحيطان
يجاملو اللى يجاملهم والعيب فيهم ما بان
وان غبت يوم عنهم بيجننهم جنان
وميرتحوش ويهدوا إلا اما تكون تمام
طب إيه جرلنا إيه ليه محنش زيهم
بنقلد فى الخيانة ونهدر فى الأمانة
ومش نافعة الصيانة وتركنا طبعهم
وبنبكى النهاردة على كل اللى عدى
وبنشكى من اللحاف الشكوى للمخادة
حتى اللقمة اللى حاف السكة عليها سدة
ونسينا ان العجينة والخبزة كانت ايدينا
واحنا اللى ابتدينا ومشينا فى سكة شاردة
بيقولوا بتوع زمان الناس كانوا طيبين
واحنا اللى مش تمام جاين معرف منين
من ارض طينتها طاهرة ولا من سكة عاهرة
ولا نتاج لسهرة لناس سكرنين
وبنبكى النهاردة على كل اللى عدى
وبنشكى من اللحاف الشكوى للمخادة
حتى اللقمة اللى حاف السكة عليها سدة
بيقولوا بتوع زمان الناس كانوا طيبين
لكن نجيب منين والقسوة على الببان
بقام محمد البلاط

بلاش تقولها لتصدم - بقلم محمد البلاط

( بلاش تقولها لتصدم )
==========
سيل فى عينى دمعتى
واجرحنى وذدنى الم
واطفى بأيدك شمعتى
وعلمنى ايه معنى الندم
وبلاش تقولى ههجرك
للهجر فيه موت وعدم
ولو باقى على حبى الك
بلاش تقولها لتصدم
دا انا عشمى مش فى المعرفة
ولا انى اطول الشفا
من الف اااه متكتفة
بعشرة بينا وعاطفة
طيف الطفولة وذكرياتى
بتعيد معاك كل حكياتى
وعشان عايشة على ماضى
لو يوم بتبعد احنلك
وعشان كده بستحملك
ولا عمرى قسوة بعدلك
وان غبت عنى بحنلك
بلاش تقولها لتصدم
سيل فى عينى دمعتى
واجرحنى وذدنى الم
واطفى بأيدك شمعتى
وعلمنى ايه معنى الندم
وبلاش تقولى ههجرك
للهجر فيه موت وعدم

بقلم محمد البلاط

قولوا لبياع الهوا - بقلم محمد البلاط

باع الهوا
وبعنى معاه
هو فكرنى هنجرح
واطلب رضاه
قولوا لبياع الهوا
البعد عنك كان دوا
بجرى وراه
انا شوفت منه غير الم
وجراح ودمع
ولا عمره فكر فى ندم
ولا قدلى شمع
وفكرنى هندم يوم عليه
طب يعنى ليه
وانا جرحى فى قلبى من زمن
بردم عليه
قولوا لبياع الهوا
البعد عنك كان دوا
بجرى وراه
باع الهوا وبعنى معاه
هو فكرنى هنجرح
واطلب رضاه

بقلم محمد البلاط

راحة لقلبى كثير خصامهم - بقلم محمد البلاط

ما يلومونى ما يلمونى ما يلمونى
مين مسحلى يوم دمعى من عيونى
مين وسانى ولا جالى وقلى مالك
مين سألنى قلى كيف اليوم حالك
مين ريح يوم ظنونى

بأيه هيفيد كلامهم
راحة لقلبى كثر خصامهم
من ودادهم ايه جانى
قربهم زى عدمهم
للألم دول سلمونى
ما يلومونى ما يلمونى ما يلمونى
اشتكيت هجر الحبيب
راحوا ليه وضيعونى
قولت ليكم القريب
قالوا قاصدين يخدمونى
ايه جرى فى الدنيا ايه
طب وليه بيخدعونى
منى حصل ليهم ايه
علشان يظلمونى
وبتقولولى بيلمونى
ما يلومونى ما يلمونى
راحة لقلبى كثر خصامهم
من ودادهم ايه جانى
مظلوم وبقيت جانى
بأيه هيفيد كلامهم
راحة لقلبى كثر خصامهم
بقلم محمد البلاط

الحرامية - ليه قصدانى يا كلبة قبيحة - بقلم محمد االبلاط

( الحرامية )
ليه قصدانى يا كلبة قبيحة
لزمك منى تانى فضيحة
مرة سماحتك على طول ايدك
والمرة دى هتبقى فسيخة

قولت لنطع فى بيته انيكى
يربط ايدك او يعميكى
قلى معدتش قادر اقنيها
بقرة لخلق الله بيشكيكى
هى السرقة دى شىء فى طبعك
ولا الكلب جوزك مش رادعك
ولا خواطرى دى عجباكى
وبتتلاقى ويا خواطرك
انا عدتها وقولت خواطر
واوعى تقولى ده ناسى مش فاكر
اللى يتوه عن ابنه وليده
يبقى عبيط معرفش يذاكر
تشهد نونا انك سرقها
واحلف بالله انك سرقانى
والتواريخ موجوده وياها
وعندى تاريخ تسجيل واصدارى
لزمك سجن ما تستهليش
لزمك عجن كمان متجيش
لكن عندى ليكى رواية
لو هرويها العمر تعيش
تمسح اسمك من على الدنيا
وتخليكى تتدارى فى هيش
واوعى يا بنت تكونى فكرانى
لين سهل من الالاديش
المرة دى عملت الحظر
وفى ترتيبه الحظر الثالث
وعارف ليكى ميت سكة وظهر
وضرب الجزمة لحرمة ان عابت
وانتى العيب غطاكى وكفى
من رجليكى لراسك وفى
واللى بقيلى وندر عليا
انى اخلى فى عجلك رفة
ومش هستكفى يا كلبة قبيحة
لزمك منى تانى فضيحة
مرة سماحتك على طول ايدك
والمرة دى هتبقى فسيخة
بقلم محمد البلاط

فن جديد وقديم واهو باقى - بقلم محمد البلاط

( فن جديد وقديم واهو باقى )
==============
فن جديد وقديم واهو باقى خلى الأرض بور وشراقى
واللى بيلعب فيها بيلعب واللى بيتعب ملهوش باقى

ايه ضيعها غير رقاصة كل املها تكون انسان
راكبة سياسى لله عاصى وفضل يبقى لحرمة حمار
ضيع بلده علشان نزوة وقلبه مليه بالحقد وقسوة
على غلبان مش لاقى اللقمة وعز البرد مش لاقى كسوة
اصل الفيل محطوط فى العلبة واللى فهمها يا ناس تعبان
بلطجى حارس رقاصة نعمة والجمهور من البيرة سكران
قسموا النقطة وكانت عهدة والمدارى مابينهم بان
كان فى فرحنا فيه رقاصة جاتها رصاصة من الثعبان
فن جديد وقديم واهو باقى خلى الأرض بور وشراقى
واللى بيلعب فيها بيلعب واللى بيتعب ملهوش باقى
واللى بيتعب ملهوش باقى فن جديد وقديم واهو باقى
بقلم محمد البلاط

ماشى يا سيدى ماشى يا سيدى - بقلم محمد البلاط

وحيات حبى وحبك لمنع
اى ظنون هتمر بقلبى
وعمر ما افكر تانى ان اخدع
مهما يطول وياك اه صبرى
كنت بخاف لتضيع من ايدى
وانت الشىء الماشى فى وريدى
ولو ح تبعد عمر ما هنفع
ماش يا سيدى ماشى يا سيدى
وحيات حبى وحبك لمنع
اى ظنون هتمر بقلبى
بس صحابنى وكون ويايا
انت الشىء وانا لمرايا
ولو حسيت بتعب معايا
ابقى سايسنى وخد بأيدى
انا عندية صحيح عندية
واللى يهمك قلب ونية
وانت الشىء الفاضل ليا
نور العين وضى عنيه
وابقى اعذرنى لو غيرنى
بعدك عنى او جننى
انا عندية صحيح عندية
واللى يهمك قلب ونية
وحيات حبى وحبك لمنع
اى ظنون هتمر بقلبى
ماش يا سيدى ماشى يا سيدى
وعمر ما افكر تانى ان اخدع
مهما يطول وياك اه صبرى
وحيات حبى وحبك لمنع
اى ظنون هتمر بقلبى
بقلم محمد البلاط

زمان كان لينا ذكرى - بقلم محمد البلاط

زمان كان لينا ذكرى بتفكر القلوب
وتعشمها ببكره وتنور الدروب
جيه الحاضر مسحها والباقى يا دوب يا دوب
الامها وجراحها ويقول كانت ذنوب
ويقول كانت ذنوب

لو ذنب انى احبك ووصالك فيه قسايا
والهجر ومر بعدك هيكون هو دوايا
انا هفضل بردو احبك لو كانت النهاية
بعزابى ومش هتوب
بعزابى ومش هتوب
انا هعصى الخلايق فى سبيل حبك يدوملى
مين غير الله سايق ومين معطينى عمرى
بالحب انا ليه طايع ومسلم ليه امرى
والحاضر لو يلاوع مش هسلم ليه يا عمرى
مش هسلم ليه يا عمرى
زمان كان لينا ذكرى
بقلم محمد البلاط

يا متوه فى هواك قلبى - بقلم محمد البلاط

( يا متوه فى هواك قلبى )
===========
اكثر من شوقى وحبى ايه تانى هقدمهولك
يا متوه فى هواك قلبى ومغرقنى فى بحورك
لا اليأس فى يوم هيصيبنى ولا عجزى هقدمهولك
وان جيت فى يوم تعاتبنى راح اقولك جايلك دورك
تشتاق وتحن لقربى وتحايل طيفى يجيلك
وان جيت فى طريقى ودربى هبعد عنك واسيبك
واتعزب ويطول صبرى ولا انى احن واجيلك
الا اما تعيد تانى عمرى اللى ضيعته بأيدك
سمعتك احلا كلام فى الحب قلوه احباب
عيشتك احلا غرام وحنانى عمره ما غاب
الشوك زرعته بأيدك وبقيت انت الحطاب
والصبر برغم مراره احلو معايا وطاب
يا متوه فى هواك قلبى ومغرقنى فى بحورك
اكثر من شوقى وحبى ايه تانى هقدمهولك
وان جيت فى طريقى ودربى هبعد عنك واسيبك
واتعزب ويطول صبرى ولا انى احن واجيلك
الا اما تعيد تانى عمرى اللى ضيعته بأيدك
يا متوه فى هواك قلبى
بقلم محمد البلاط

( انتوا مش عارفين انكم نور عنينا ولا ايه ) بقلم محمد البلاط

والله ما ليا نية لحكم
ولا اى منصب
دى ضى ونور عنية
واغلى اغلى مكسب
واياك تقول ده عسكر
وفى يوم هتكون معسكر
ده لمون مخلوط بسكر
بس انت حبة فكر
بشهادة شيخ وبابا
وشلة من الغلابة
وابو ذقن حلية راكبة
بشعر من الخرابة
انا قصدى احمى وطنكم
بس انتو وكلونى
ويكون فيا عشمكم
واقول وتسمعونى
===
مش هسمح لحد تانى
يقرب شبر منها
نصاب وده كان حرامى
وقصده انه ياكلها
واللى فى الماضى كان
مش هيرجع مرة تانى
انا مش بتاع زمان

بقلم محمد البلاط

مستنظر سعر ينزل - بقلم محمد البلاك

ولا ترتر ولا مشمش ولا حتى فى النبق
ولا لالو بن بربش ولا كل اللى سبق
غراب فى بلدنا عشش والخير اتسرق
منين وناس بتطفش وناس عايشة فى مرق
مركب فى البحر تايهة بين ريح وموج ونوة
لا بوصلة تدل سيرها وعفريت سكنها جوة
مسروق منها دليلها اخدنها بكل قوة
ومستنظر سعر ينزل لما تجيلها المروة

بقلم محمد البلاط

حبيبى يا نبض قلبى - بقلم محمد البلاط

( حبيبى يا نبض قلبى )
==========
حبيبى يا نبض قلبى يا مشعللى المشاعر
يا مشعلل فيا غيرتى وطريق حبك ده واعر
استاذ فنان امارتى ولا اديب وشاعر
يا متوه منى عقلى والفكر بيا داير
لو غيبت يذيد جنونى وتكثر فيك ظنونى
واقلب فى دفاترك واشوف كل معارفك
واسأل مين اللى جالك ومين كان ليك ذاير
واحضن صورتك وابوسها والف فى دواير
اشم منها عطرك واصبر قلب حاير
حبيبى يا نبض قلبى يا مشعللى المشاعر
يا مشعلل فيا غيرتى وطريق حبك ده واعر
فى غيابك قلبى يبكى ولسانى الهجر يشكى
بوجودك يضحك قلبى ويتكتف بيك لسانى
وتقنعنى رغم عنى وتسألنى ايه حالى
وتغير ليا ظنى ويتوه منى سؤالى
ولا عدت اقدر افكر مين فينا اللى جانى
استاذ فنان امارتى ولا اديب وشاعر
يا متوه منى عقلى والفكر بيا داير
حبيبى يا نبض قلبى حبيبى يا نبض قلبى

بقلم محمد البلاط

يا ريت الفول نال اعجابك - بقلم محمد البلاط

صبح يا معدى بتصابيحك
خد طبق الفول المتحوج
وانت يا شيخ شندى خده فريحك
واياك على فولنا تتعوج

طلباتك ايه يا سعادة البيه
بالزيت الحار ولا بالحلو
وعايزلك كام رغيف عليه
ومخلل عندك هنا فى الدلو
وحزارى من البصل الاخضر
لو عندك شغل وراح تسهر
خلصت ضميرى ودليتك
وبراحتك يا افندى وفكر
وانتى يا صبية طلبك ايه
راح تكلى ولا فى كيس تخديه
والعيش على قد زباينا
من راسك خالص ابقى شليه
براحة يا ناس حبة شوية
كسرتو عريش العربية
وانت يا افندى خد مخلل
وخدلك من الجرجير شوية
اصبر يا حبيبى مالك ايه
بعتينك اهلك تقرفنى
الخير موجود ومفيش قده
بعمايلك دى بتكتفنى
وانت يا هباب لم الاطباق
واغسلها ونظفها كويس
لو جبت البنت دماغى كان راق
على ايه على الناس بتتمريس
مستعجل ليه يا سعادة البيه
اتوكل وعندى حسابك
شرفت مكنا بحضورك
ويا ريت الفول نال اعجابك
صبح يا معدى بتصابيحك
خد طبق الفول المتحوج
وانت يا حبيبى خده فريحك
قرفان من ايه مش بيشوك
صبح يا معدى بتصابيحك
خد طبق الفول المتحوج
بقلم محمد البلاط

يا فتاح يا عليم يا رزاق يا كريم - بقلم محمد البلاط

يا فتاح يا عليم
يا رزاق يا كريم
افتح لنا الأبواب
واحسن لنا الخواتيم

الصبح بنصبح
على الرزق بنسرح
وندور الأسباب
ونحط فى مطرح
تهل بشاير
الرزق الداير
يلف فى دواير
ويصيب ما يجرح
وان كان نصيبك زين
قبل ايدك الأثنين
واشكر واحد وكريم
وبرزقك ابقى افرح
وان قل يوم رزقك
يبقى افتكار ربك
داير الأمور بأيديه
مش كره ده حبك
بس انت اقبلها
واشكر وكن راضى
وبلاش تشغلها
عمال وعلى الفاضى
موزع الأرزاق
حكيم وقاضى
فيه اللى ليه حراق
وفيه اللى له عادى
بس انت اقبلها
واشكر وكن راضى
وبلاش تشغلها
عمال وعلى الفاضى
والصبح قوم صبح
على الرزق ابقى اسرح
ودور الأسباب
وحط فى مطرح
بقلم محمد البلاط

الأرجوز - بقلم محمد البلاط

( الأرجوز )
=====
قولى حفظت الدور يا بشاندى
ولا ملكش دور تقضيه
لزمتك ايه فى الصندوق عندى
اللى بيتعب انا برميه

انا بصنعكم وبدلعكم
وبلونكم كيف ما بريد
واللى بقولو بصوت فى ودانكم
بس عليكم الترديد
قولو تاريخ لوطن اتذور
قولو ان احنا الفن الاشهر
قولو وقولو وقولو وعدد
خلى دماغ الناس تتكور
قول يا بشاندى وده بقى دورك
واوعى تغير يوم فى لونك
اعمل كل اللى بقولهولك
يا يكون يومك اسود عندى
هات البنت تهانى وترقس
وجيب كام بنت معاها تهيص
واللى هيحضر يبقى كبير
لاذم يبقى خبير ويعرص
والأرجوز هيكون الريس
الأرجوز الأرجوز
افهم يا بشاندى
بقلم محمد البلاط

اعذرينى - بقلم محمد البلاط

( اعذرينى )

طالب العفو وسماحك
والأسف كثير ليكى
حاسس بألم فى جراحك
وفعل يدى اللى اذيكى
غذب عنى بتساورنى
الظنون وبتحاورنى
ليه سرحانة عنيكى
ولما اشوفها تزلزلينى
والنهارده جاى راجع
بعد ما حسيت مواجع
جوه قلبى بتعاتبنى
النهارده انت ضايع
بعت فى الليل القمر
والطريق طويل عليك
مين ونيسك فى السهر
ليه بتعمى ايدك عنيك
بعت حبك ليه بأيدك
مين يريدك مين غاويك
وانت بايع اللى حبك
وقضت عليه ايدك
رتاجع
راجع وعشمان فيكى
قصدى عفو ومغفرة
واللى طلباه يتم ليكى
وعندى بيه مقدرة
لو تقولى انتحر
وانتحارى يريحك
لجل ذنبى ما يتغفر
هنتحر واشكرك
واعذرينى غذب عنى
الظنون كانت اقوى منى
اعذرينى
اعذرينى
بقلم محمد البلاط

كل اللى بتمناه - بقلم محمد البلاط

مهما الزمن يقسى
واقاسى وتعصى
وتوه مراكبى
وما ترسى على مرسى

مش هسيب الدفة
ولا قلبى راح يشفى
وهفضل فى بحر هواك
وعمرى ما استكفى
مش غاوية الاطم الموج
ولا طريق فيه الشوق
كل اللى انا قصداه
تبقى وابقى معاك
مهما الزمن يقسى
مهما الزمن يقسى
فارده شراع حبى
قاصده طريق قلبى
وخايفة الحبال تدوب
وهواك معزبنى
لا شط انا شيفاه
ولا موج بيهدى
وكل اللى بتمناه
الريح دى تعدى
واوصل لشط هواك
وترسى مراكبى
وتبقى وابقى معاك
مهما الزمن يقسى
بقلم محمد البلاط

عسل وسكر - بقلم محمد البلاط

عسل وسكر عسل وسكر
يا شهد صافى وكمان مكرر
يا ابو ضحكة ناعمة
من الله نعمة
وسهل تدمر
شغلت قلبى
بهواك وحبى
بيكثراكثر
يا حلو يا اسمر
عسل وسكر
عسل وسكر
على قدى خدنى
وخليك حنين
واوعى تعاندنى
الزمن يميل
يبقى اللى بينا
مبقاش هين
خليك حنين
خليك حنين
يا حلو يا اسمر
يا حلو ياسمر

بقلم محمد البلاط

مساء الورد والخفة - بقلم محمد البلاط

مساء الورد والخفة
وبسمة ظاهرة على الشفة
ترد الروح للميت
ومنها المريض يشفى

مسائك شهد ومكرر
محلى بسكر وعبر
سواد الليل من نورك
يعيد لليابس الاخضر

بفكر كيف احيكى
ولو بالكلمة ارضيكى
مفيش غير دعوة للمولى
يكون راعى وحافظ ليكى
محمد البلاط

يا اهل الفن - بقلم محمد البلاط

يا اهل الفن الله يخليكم
اعملوا شيء تتشرفو به
يمكن الله فى يوم يهديكم
لطريق حق تمشوا عليه

حد يقولى ويوصف فيكم
ايه اللى بلاكم بتعملو ايه
مين هيحن فى يوم عليكم
بعد فساد بتنشرو فيه
اللى بيطعن فى الاسلام
واللى عملى بطل وهمام
واللبيسة بقت رقاصة
وصلح الحال معها كمان
شوفنا الفن نزل فى الواطى
والاستاذ اصبح خدام
والشغالة بتخدم عادى
وليها فى السوق كثير اللوان
حد يقولى ويوصف فيكم
ايه اللى بلاكم بتعملو ايه
مين هيحن فى يوم عليكم
بعد فساد بتنشرو فيه
شوف العبرة بعينك شوف
ضحو بكام فنان خروف
وكام فنانة هدروم روحها
بعد ما عملت الموصوف
سوق الفن صبح مية سوق
كله خليطة مفيش فروق
اللى حابب الفن حقيقى
واللى ما يعرف معنى الذوق
واللى يحزن
فيه اتمكن
جاهل مهنة
واحنا سمعنا
وشوفنا بعينا
طلع الواطى
وبقى شىء عادى
والاستاذ نزل من فوق
يا اهل الفن الله يخليكم
اعملو شىء يكن فيه ذوق
اعملوا شيء تتشرفو به
يمكن الله فى يوم يهديكم
لطريق حق تمشوا عليه
بقلم محمد البلاط

يا ملوعنى فى حبك ياما - بقلم محمد البلاط

( يا ملوعنى فى حبك ياما )
غنائى
=====
يا ملوعنى فى حبك ياما
يا مسمعنى كثير ملامة
امتى يحن القلب عليا
وامتى عنيك متشفش غيامة

امتى تجيلى وترجع ليا
دا انا بتمنى تعود بسلامة
عطشان قلبى للحنية
وليك جواه كثير مكانة
مين يا حبيبى حبك قدى
وانا على الشوك علشانك اعدى
واسمع من اللى حبوك قبلى
القى ان انا فى هواك تعبانة
قابلة الهجر وقابل القسوة
قابلة كلام يمكن فيه خبرة
قابلة كثير وياك صبره
الا ان يكون بينا خيانة
يا ملوعنى فى حبك ياما
يا مسمعنى كثير ملامة
من احباب ومن عزال
صابرة واقول يرجع بسلامة
يجى الليل القانى لوحدى
فى بحر الفكر كثير غرقانة
وكل ما احاول منه اعدى
قلبى يقول طب ليه رمانا
قابلة الهجر وقابلة القسوة
قابلة كلام يمكن فيه خبرة
قابلة كثير وياك صبره
الا ان يكون بينا خيانة
بقلم محمد البلاط