نصيحة من الله عين بعين - بقلم محمد البلاط

يا تبقى الديب
يا تبقى غريب بين ديابا
يا تبقى الأرنب الطيب
وتدارى داخل غابة
وتستنظر فى يوم قدرك
وتتخيل كيف المهلك
ما بين انياب وعصابة
يا تحمى نقسك بنفسك
زمن الناس فيه ديابا
تطاوعهم فى يوم تهلك
يا اما تكون شيخ عصابة
مين احسن منك يهينك
يسب ابوك ودينك
وتحنى الراس وفى عينك
دموع الصمت تتألم
ما تتكلم ورد السب
مفيش فيها عزيز وكلب
سبقنا بالعدالة الغرب
وفينا الجهل يتحكم
نصيحة من الله عين بعين
والم الخد ليه اثنين
ولو هتموت تاخد وياك
بدل الفرد قول عشرين
يا تبقى الديب
يا تبقى غريب بين ديابا
يا تبقى الأرنب الطيب
وتدارى داخل غابة
بقلم محمد البلاط

المسحراتى - بقلم محمد البلاط

اصحى يا نايم صحى النوم وحد ربك وانوى الصوم
واسجد واركع شاكر ربك واطلب منه الحال ما يدوم
وينجينى من اللى اذينا من جواده ومن حكام
اصحى يا نايم اوعى تنام وافهم حقك ليه مهضوم
كانت خلافة وعدل وحكمة حقدوا عليها اذاى تدوم
لمو كلاب سعرانة من السكة بحبة مال وشىء معدوم
قعدوا القعده هناك على الدكة وكانت خطة ما بيها خروم
اصحى يا نايم صحى النوم واعرف مين ظالم مظلوم
واللى سرقها واللى نهبها واللى عشانها كان معدوم
اصحى وفوق وقوم من الغفلة حقك عايزه اعملة القفلة
واشبك كل ضفاير اللعبة وكهرب بيها كل السفلة
رجع ماضى كان لك نعمة سرقوه منك يوم فى الزحمة
واوعى تفكر هيسيبوهالك لو مفروم وذى اللحمة
اصحى يا نايم فوق لحالك واحكى القصة لكل جيرانك
واسجد واركع شاكر ربك واطلب منه الحال ما يدوم
اصحى يا نايم صحى النوم وحد ربك وانوى الصوم
بقلم محمد البلاط

انا بطلبها وغذب عنى - بقلم محمد البلاط

انا بطلبها وغذب عنى
رغم الشوق اللى مجننى
ابعد عنك وابعد عنى
وكفاية قرب وود ذياده
اصل العادة راح تقتلنى
لا انا طيلاك ولا حتى طيلنى
والعزال ياما قلوا علينا
تفسير بس اللى فى عنينا
ومحسوش النار جوانا
وكثير منهم شك ظلمنى
وعشان كده بطلبها انا منك
تبعد عنى وابعد عنك
ويبقى كثير وكفاية علينا
بتحبنى وانى بحبك
انا بطلبها وغذب عنى
بقلم محمد البلاط

نصيحة البلاط - بقلم محمد البلاط

اللى يزعل منحبوش
ولا يرضينا نسمع عنه
كل كلام بيكون مغشوش
الا الفن ليه يتمنوا
زمن الرقص وهجر الله
مكسب للحاكم ورضاه
واللى عصاه عليه يتجنو
يا بن مبارك غذب عنه
واوعى تلوم فى يوم الهالك
حتى الناس لو منه اتعنو
والزم دارك الزم دارك
لحسن حالك بيه يتغنوا
واوعى تعيب فى الفن واهله
واوعى تقرب من الحكام
زمن الحمل اتشال على ظهره
واحنا العيب وهم تمام
واللى يزعل منحبوش
ولا يرضينا نسمع عنه
كل كلام بيكون مغشوش
الا الفن ليه بيتمنوا
( نصيحة محمد البلاط )

يا ريس حقنا مهضوم - بقلم محمد البلاط

يا ريس قاضى قتلنى

لكن معرفش مين ومنين
فيه ناس كثير محاوطنى
وروحى بالجسد بتحوم
سمعت كلام مهش فينا
قاضى قتله وغير معلوم
منعرفش غير الشاره
على السياره ميزان مرسوم
يا ريس حقنا مهضوم
وقاضى العدل لى ظالم
ليه يصبح الفقير مظلوم
وشايل جواه وكاتم
من الصبح هجيب ميزان
واشيله على الكتاف كمان
وادوس على الخلق وادهسهم
ومحدش عليا يلوم
يا ريس حقنا مهضوم
يكونش القاضى ده معصوم
من الشكوى وعتاب ولوم
بنستنظر يجيلنا يوم
يكون الحق بين الخلق
بعدل الله يكون مقسوم
يا ريس حقنا مهضوم
بقلم محمد البلاط

زمن الهلافيت - بقلم محمد البلاط

كان لازم تحسب فى الحسبة
الفرق ما بين صدق وكذبهة
وتعرف تتعامل ويا الناس
بدون احساس ولاه محاسبه
زمن الهلافيت جاى يهينا
ويلعب بأيامنا واعمارنا
ويعلم فينا اللى ما كان حى
ولا عمره فى يوم فيه فكرنا
اذاى اذاى تطلب منهم
انك تعاملهم وتعينهم
والمكر مكروه بأيدهم
وطفولنا الضى
لا يا بويا مخالفك وهخالفك
لو كانو من اعز معارفك
ليه تبدى للأنتان اسفك
وانت المحروم من زرع ورى
ووعدوك ووعودهم كذابة
وكل اشتغلاتهم بربابا
وبقينا أرانب ودى غابة
وملولنا الحى
دى ثعالب بتحاوط فينا
توهمنا تحقق امانينا
بالرقص تحاول تغوينا
وتحط الحبل فى رقبينا
فوق حبة وصحصح ويانا
ومبادئك حاول تطويها طى
والحسبة راجعها ورتبها
واعرف شبابيكها وابوابها
القادم جاى لخرابها
وبيعدم فى التعبان والحى
زمن الهلافيت جاى يهينا
ويلعب بأيامنا واعمرنا
ويعلم فينا اللى ما كان حى
ولا عمره فى يوم فيه فكرنا
كان لازم تحسب فى الحسبة
الفرق ما بين صدق وكذبهة
وتعرف تتعامل ويا الناس
بدون احساس ولاه محاسبه
بقلم محمد البلاط

لا بحبك ولا بقدر على بعدك - بقلم محمد البلاط

لا بحبك ولا بقدر على بعدك
................................
لا بحبك ولا بقدر على بعدك

وعايشة الغم فى وجودك
ومش قابله كمان ريحتك
ورغم ان انا كرهتك
وحشنى صوتك البلسم
وليه ملهوفه لو كان سم
وجوايا الحنين قاتل
بتوحشنى ساعات الغم
صحيح فى القرب تعبانه
لكن صورتك بيها بهتم
على بعدك مبقبلهوش
وقربك منى ما حبوش
وقالوا فى مثل مهوس
لا بتحبه وعلى بعده ما تقبلهوش
بقلم محمد البلاط

ساعات قلوبنا توجعنا - بقلم محمد البلاط

ساعات قلوبنا توجعنا
ونكتم فيها مواجعنا
ونعمل نفسنا نسين
لشىء فى قلبنا سكين
يقطعنا
ونكتم جوانا وسكتين
برغم الناس مش قادرين
ونسأل ربنا الصبر
برغم وقوفنا فوق القبر
لكن صمتين
ونتأمل ضياع العمر
ما بين احتياج وامر
وجلاد شايل جرار التمر
واذن اذان الصايمين
ونكتم فينا مواجعنا
ونعمل نفسنا نسين
لشىء فى قلبنا سكين
يقطعنا
وساعات قلوبنا توجعنا
بقلم محمد البلاط

هرمجدون - بقلم محمد البلاط

قربت كبرى الملاحم
مين هيسعى وفيها يرعى
وللنعيم قادر يزاحم
من الأيمان خدلك جرعة
واعقد العزم بسرعة
ومن الأيات خدلك مراهم
الشيطان جاى يرازينا
بالدجل يسحرعنينا
يا تكون مؤمن مصلى
يا تكون ابن اللذين
قربت كبرى الملاحم
والشيطان جهز جنوده
ادعى الله وانت صايم
يكرم الله بوعوده
وتبقى اخر المعارك
والشيطان يلزم حدوده
وياخد الجند بخسف
او يخدهم بأى وصف
المهم يكون كشف
والنفاق اهله يعودو
قربت كبرى الملاحم
بقلم محمد البلاط

ايه اللى باقى تانى فيكى - بقلم محمد البلاط

ايه اللى باقى تانى فيكى
بعد غدر غدروا بيكى
اللى كنتى فاكرة انه
ابن ناس وكان شاريكى
اكتشفت بأنه خاين
بعد ما حط عليكى
وقال بأنه صاحب جمايل
وفى عنيه حطك راعيكى
باع كيانك وتاريخك
لجل مال فرط فيكى
قسموكى اللى طمعهم
فى قلوبهم حقد ليكى
وياما قالو ان وجعهم
لو شافوا دمعة فى عنيكى
اللى كنتى بتراعيهم
جوه قلبك عاملة ليهم
بيت وفرشة من الحنان
واحلى لبس تلبسيهم
ولجلهم حظنا مال
واصتبرنا وقولنا يمكن
يجى يوم وينفعوكى
اتريهم جم عليكى
والكبير فيهم خان
قسموكى وباعوكى
وكلب صهيون فيكى صال
ايه اللى باقى تانى فيكى
بعد ما مات الرجال
بعد ما مات الرجال

بقلم محمد البلاط

نصيحة إلى كل من يعيش في بلد الغربة - الدكتور محمد راتب النابلسي 2018

دارى على الجرح يا قلبى - بقلم محمد البلاط

دارى على الجرح يا قلبى وخبى عنه انه هواك
واكتم السر فى نفسك واطوى على الجرح مناك
واوعى تشكى ولا تبكى ولا تحكى او يحس برضاك
اللى ما حسش بغدره ولا انكاره لهواك

صعب يعرف المحبة وصعب يعرف ايه مناك
اللى ما حاول فى مرة يكسب الود ورضاك
وابتليت بمحبته وقساه وفرقته
فضل الهجر ومراره ولا انه يكون معاك

دارى على الجرح يا قلبى وخبى عنه انه هواك

بقلم محمد البلاط

كنت فاكرها النهاية - بقلم محمد البلاط

كنت فاكرها النهاية
بعد ما اتولى الأمير
اتريها البداية
بعد ما شوفت كثير
شوفت ناس بتحب الله
وناس بتسعى لفعل خير
واللى جارى فينا والله
غربلة وتفرق كثير
بين غضب من الله نازل
وأدب وتحديد مصير
والنهاية والبداية
ناس فى جنة وناس سعير
واللى قدم بأيده شىء
رده ليه هيكون كثير
وانتظر قادم علينا
ومن السما يبرق بريق
يا يخدنا من ايدنا
يا بأيدنا ندخل حريق
اللى جارى فينا والله
غربلة وتفرق كثير
بين غضب من الله نازل
وأدب وتحديد مصير
كنت فاكرها النهاية

بقلم محمد البلاط

لما تحب الحب حقيقى - بقلم محمد البلاط

لما تحب الحب حقيقى ما تفكرش فى مين بيحبك
واوعى تقول ان ده قريبى وسيب الحكم بس لربك
عامل الخلق بنية سليمة واعدل بينهم فى التقسيمة
واوعى تجور فى الحكم لتبقى عبرة لناس وفرجة وسيما

وما تحكمش على اللى يودك انه سليم والنية سليمة
فيه عزول اوقات يحتاجلك تلقاه فى رجلك جزمة قديمة
ولما ينول ويوصل غرضه ترجع تانى اعراض مرضه
ولو محتاج فى يوم لوده يبقى عملت فى حقه جريمة
اللى يحبك ما بيبعدشى لو هتقوله ابعد او ا مشى
عنده النار تحلى فى جوارك ولو زعلان هو ما يزعلشى
حكم عقلك لما تحب واوعى تسيب الرجل تدب
سهل تخدك وتوه بيك وتوقعك فى اعمق جب
واللى تحس حنانه بقلبك قرب منه وبادله بحبك
لما تحب الحب حقيقى ما تفكرش فى مين بيحبك
بقلم محمد البلاط

زمن الكلاب يا محترم - بقلم محمد البلاط

زمن الكلاب يا محترم
===========
ما تلومش بياع الشرف
ولا تتقرف من اللى يخون
زمن العهات منهم كرف
خلى العقول صبها الجنون
واياك تستبعد بعيد
ولا تقول صعب الحديد
الكلب سيد الاسد
بعنيك تابع الجديد
بالمال لان اللى حكم
ومع العدل اصبح عنيد
ومش صعب انك تتشتم
ما الجهل اصبح الفريد
والعقل صابه الملل
من الفكر بينقط صديد
زمن الكلاب يا محترم
ده ان مكنش فيه جديد
وبقيت سطل واتخرم
وان الأوان ترحل بعيد
بقلم محمد البلاط

هلة لينا ايام الفرحة - بقلم محمد البلاط

هلة لينا ايام الفرحة
والبركة والخير والنعمة
جاى حبيبنا ومعاه كرمه
جاى معاه فنوس وشمعة

جاى يطبب جرح يتاما
جاى ينشف بأيديه دمعة
جاى وليه فى قلوبنا علامة
جاى وكل المخليق سمعة
جاى يشيلنا من احزانا
جاى يطبطب بأيده علينا
جاى ينسينا اللى جرالنا
وبالقران وصيام يرقينا
جاى بفرحة معاه والزينة
جاى بحب الله يوصينا
جاى يلم حبايب وشلة
جاى يجمع كل العيلة
هليت لينا يا شهر الصوم
يا مخلينا من نومنا نقوم
نذكر اسم المولى خليقنا
ونتهجدله وننوى الصوم
هليت لينا والفين مرحب
ياللى فراقك دايما يصعب
كل منانا تدوم معانا
فى وجودك ما بنقدر نغضب
هلة لينا ايام الفرحة
والبركة والخير والنعمة
جاى حبيبنا ومعاه كرمه
جاى وكل المخاليق سمعة
بقلم محمد البلاط

بلاش ترحل - بقلم محمد البلاط

بدمع العين بستنجد
وطالب منك التفكير
ليه للهجر تانى تجدد
وناوى ليه على الترحال

ليه فضلت دار الغربة
تركلى كربة التفسير
وكل الأفكار هاربة
ومش لقى لها تحليل
حبيب تانى شغل بالك
عملت شىء قلب حالك
راسى من الظن مالت ميل
وما اظنش توصل بيك
حبيبى عيد تانى التفكير
ايه من الهجر راح يفيدك
وليه قلبك غاوى التحويل
بدمع العين بستنجد بلاش ترحل
بقلم محمد البلاط

اااه من نارى - بقلم محمد البلاط

اااه من نارى اااه من نارى
واللى جرالى بسبب الهجر
راح ونسانى ما استنانى
منه خيانة ولا ده غدر

ليه بهوايا بيلعب بيه
ليه الدمع ده هان عليه
وليه القلب داس عليه
ليه وليه وليه وليه
انا مليت من الصبر ومره
وقلبى معدش شىء بيسره
اللى عطيته العمر ده كله
ليه بهوايا بيلعب بيه
ليه وليه وليه وليه
سهل رمانى وصعب عليه
اللى عطيته العمر ده كله
اللى يحبه يلعب بيه
اااه من نارى اااه من نارى
واللى جرالى بسبب الهجر
راح ونسانى ما استنانى
منه خيانة ولا ده غدر
بقلم محمد البلاط

فين المرسى - بقلم محمد البلاط

فين المرسى فين المرسى
ما تريحنى وخلينى ارسى
انا احترت معاك فى عمايلك
ومش معطينى ابدا فرصة

زى ما بقدر اسامح وانسى
قادره يا حب عليك انا اقسى
وزى ما بمسك انا وبحافظ
قادره اسيبك وعليك اعصى
ياللى حكمت بظن القاسى
وجبت العيب كله على راسى
وناسى ان انت انت العاصى
وطول العمر انا بترجاك
مين فينا بدا بالهجران
مين على التانى حب وخان
مين فينا معرفش العشرة
ولا معنى الملح ولا صان
فين المرسى فين المرسى
ما تريحنى وخلينى ارسى
انا احترت معاك فى عمايلك
ومش معطينى ابدا فرصة
بقلم محمد البلاط

على الله اتركها وسيبها - بقلم محمد البلاط

على الله اتركها وسيبها
ومتفكرش فى اللى يلوم
وسيب الناس ما تحسبها
وابعد عن العتاب وصوم

فيه ناس بتوفى بوعدها
وناس تحن بودادها
وناس العز بيذيدها
وناس ادابها من بيتها
وناس غداره اماره
معاها الناس محتاره
لا بتوفى ولا تكفى
وقلة مهما تزيدها
ما تعتبش على ظالم
واو هتبات فى يوم مظلوم
وقلبك على الألم كاتم
متشكيش بأى هموم
وسيبها للى سيرها
طريقها الله يختارها
ولو ظالم هيكسرها
مراكبك بالأله هتعوم
بقلم محمد البلاط

كسرنى احباب وكان جبرى بأيد احباب - بقلم محمد البلاط

كسرنى احباب كسرنى احباب
وكان جبرى بأيد اغراب
ولسه القلب يهواهم
برغم هواهم الكذاب

كسرنى احباب كسرنى احباب كسرنى احباب
خزلنى فى عز ما احتاجته
وعزره كان لأنه غاب
والف مرسال ارسلته
وقفل من ساعتها الباب
وكنت بفرح بسيرته
وبستنظر جيته لو غاب
كسرنى احباب كسرنى احباب
وكان جبرى بأيد اغراب
يا ريتنى ما كنت عرفته
ولا اتصادفت بينا الأسسباب
خلاص من قلبى انا بعته
كسر قلبى ورجايا خاب
كسرنى احباب كسرنى احباب
وكان جبرى بأيد اغراب
بقلم محمد البلاط

الصعب انك تبعد عنى - بقلم محمد البلاط

الصعب انك تبعد عنى
وتغيب ولا حتى تطمنى
والاصعب اللى يجننى
بعنيه اشوفك وانت بعيد
فى القرب قلبى بيطمن
وبحس انى معاك راح اكمل
طب ليه بالسهل انت بتهمل
وبتبقى عنيد
والصعب انك تبعد عنى
وتغيب ولا حتى تطمنى
يا ابو قلب حديد
الحب مفهش عيناد وهجر
ولا للمحبوب يندفع الأجر
الحب حنان وعطاء ووداد
والعشق ان ذاد فى فداه العمر
قرب منى خليك جنبى
واوعى تفكر مرة تسيبنى
من الصعب انك تبعد عنى
وتغيب ولا حتى تطمنى
والاصعب اللى يجننى
بعنيه اشوفك وانت بعيد

بقلم محمد البلاط

قالوا على العشق ياما كثير - بقلم محمد البلاط

قالوا على العشق ياما كثير وناس عليه اتجنوا
ماعرفوش ان سره كببير ولو عرفوه هيتمنو
وحسبوا الحسبة بخصارة وطمع لنفس امارة
تحب لنفسها وتكره تمد اديها بأشارة

ليه خمر يتوه ويسطل ويعمى العين وبيهبل
ويشعل نار جوه القلب يوماتى تزيد وبتكبر
ومنه اللى تتوه الروح وتنسى ما بيها من جروح
وتتمنى الحبيب يبقى وميفكرش يوم يروح
ومنه قاتل اصحابه وسهل يسجن احبابه
زليخة ويوسف اتصابو وكان العشق الجانى
وعبلة وعنترا دابو وليلى وقيس ما غابو
وتظلم عاشق بعشقو لا هو بأيده ولا جابو
متظلمش بصير اعمى ولا مسطول من عشقو
ده خمر العشق بيتوه ويعمى العين وبيهبل
ويشعل نار جوه القلب يوماتى تزيد وبتكبر
يوماتى تذيد وبتكبر
بقلم محمد البلاط